«اۋىل» پارتياسى رەسمي مالىمدەمە جاسادى

2097
Adyrna.kz Telegram

«اۋىل» حالىق-دەموكراتيالىق پاتريوتتىق پارتياسى رەسمي مالىمدەمە جاسادى. بۇل تۋرالى پارتيانىڭ رەسمي سايتىندا جاريالاندى، دەپ حابارلايدى “ادىرنا” ۇلتتىق پورتالى.

“قازاقستاندىقتار ءوز تاڭداۋىن جاسادى. «اۋىل» حالىق-دەموكراتيالىق پاتريوتتىق پارتياسىنا داۋىس بەرگەن ءار ازاماتقا ريزاشىلىعىمىزدى بىلدىرەمىز!

ءماجىلىس مەن ءماسليحاتتار دەپۋتاتتارىنىڭ كەزەكتەن تىس سايلاۋى پرەزيدەنت باستاماسىمەن 2022 جىلى وتكەن كونستيتۋتسيالىق رەفورمالاردىڭ زاڭدى جالعاسى بولدى. «اۋىل» پارتياسى پروپورتسيونالدى جۇيە ارقىلى، ال ونىڭ قاتارىنداعى ازاماتتار ءوز كونستيتۋتسيالىق قۇقىقتارىن پايدالانىپ، بىرمانداتتىق وكرۋگ بويىنشا سايلانۋ مۇمكىندىگىن ەركىن قولداندى.

       «اۋىل» پارتياسى سايلاۋ زاڭ نورمالارىنا سايكەس، ءادىل، اشىق جانە ءتيىستى دەڭگەيىندە وتكەندىگىن راستايدى. ۇگىت ناسيحات جۇمىسى، سونداي-اق كانديداتتارىمىزدى تىركەۋ بارىسىندا قىسىم، شەكتەۋ ارەكەتتەرى تىركەلگەن جوق.

ساياسي پارتيالار اراسىندا دا، بىرمانداتتىق وكرۋگپەن دوداعا تۇسكەن كانديداتتارىمىزدا دا ەركىن باسەكەلەستىك بولعانىن حابارلايمىز. پارتيا وكىلدەرىنىڭ تاۋەلسىز باقىلاۋشىلارمەن وتكىزگەن كەزدەسۋلەرى بارلىق ستاندارتارعا ساي جۇرگىزىلدى.

       «اۋىل» پارتياسى ۇگىت-ناسيحات جۇمىستارى كەزىندە بەرىلگەن ۋادەلەر مەن العا قويعان ماقساتتاردى ىسپەن دالەلدەۋگە دايىن. ءار اۋىلدىڭ داڭقى مەن ءومىر ءسۇرۋ دەڭگەيىن جوعارىلاتۋ ماقساتىندا ءماجىلىس پەن ءماسليحاتتاردا ناقتى شەشىمدەر قابىلداۋ ءۇشىن بەلسەندى جۇمىس اتقارامىز.

         قازاقستاندىقتاردى كەلە جاتقان ناۋرىز مەيرامىمەن قۇتتىقتاي وتىرا، جاڭا ساياسي جاڭعىرۋ داۋىرىنە بىرگە نىق قادام جاساۋعا شاقىرامىز!”،- دەلىنگەن مالىمدەمەدە. 

پىكىرلەر