«Auyl» halyq-demokratiialyq patriottyq partiiasy resmi mälımdeme jasady. Būl turaly partiianyŋ resmi saitynda jariialandy, dep habarlaidy “Adyrna” ūlttyq portaly.
“Qazaqstandyqtar öz taŋdauyn jasady. «Auyl» Halyq-demokratiialyq patriottyq partiiasyna dauys bergen är azamatqa rizaşylyǧymyzdy bıldıremız!
Mäjılıs men mäslihattar deputattarynyŋ kezekten tys sailauy Prezident bastamasymen 2022 jyly ötken Konstitusiialyq reformalardyŋ zaŋdy jalǧasy boldy. «Auyl» partiiasy proporsionaldy jüie arqyly, al onyŋ qataryndaǧy azamattar öz konstitusiialyq qūqyqtaryn paidalanyp, bırmandattyq okrug boiynşa sailanu mümkındıgın erkın qoldandy.
«Auyl» partiiasy sailau zaŋ normalaryna säikes, ädıl, aşyq jäne tiıstı deŋgeiınde ötkendıgın rastaidy. Ügıt nasihat jūmysy, sondai-aq kandidattarymyzdy tırkeu barysynda qysym, şekteu äreketterı tırkelgen joq.
Saiasi partiialar arasynda da, bırmandattyq okrugpen dodaǧa tüsken kandidattarymyzda da erkın bäsekelestık bolǧanyn habarlaimyz. Partiia ökılderınıŋ täuelsız baqylauşylarmen ötkızgen kezdesulerı barlyq standartarǧa sai jürgızıldı.
«Auyl» partiiasy ügıt-nasihat jūmystary kezınde berılgen uädeler men alǧa qoiǧan maqsattardy ıspen däleldeuge daiyn. Är auyldyŋ daŋqy men ömır süru deŋgeiın joǧarylatu maqsatynda Mäjılıs pen mäslihattarda naqty şeşımder qabyldau üşın belsendı jūmys atqaramyz.
Qazaqstandyqtardy kele jatqan Nauryz meiramymen qūttyqtai otyra, jaŋa saiasi jaŋǧyru däuırıne Bırge nyq qadam jasauǧa şaqyramyz!”,- delıngen mälımdemede.
