«Aýyl» halyq-demokratııalyq patrıottyq partııasy resmı málimdeme jasady. Bul týraly partııanyń resmı saıtynda jarııalandy, dep habarlaıdy “Adyrna” ulttyq portaly.
“Qazaqstandyqtar óz tańdaýyn jasady. «Aýyl» Halyq-demokratııalyq patrıottyq partııasyna daýys bergen ár azamatqa rızashylyǵymyzdy bildiremiz!
Májilis men máslıhattar depýtattarynyń kezekten tys saılaýy Prezıdent bastamasymen 2022 jyly ótken Konstıtýııalyq reformalardyń zańdy jalǵasy boldy. «Aýyl» partııasy proporıonaldy júıe arqyly, al onyń qataryndaǵy azamattar óz konstıtýııalyq quqyqtaryn paıdalanyp, birmandattyq okrýg boıynsha saılaný múmkindigin erkin qoldandy.
«Aýyl» partııasy saılaý zań normalaryna sáıkes, ádil, ashyq jáne tıisti deńgeıinde ótkendigin rastaıdy. Úgit nasıhat jumysy, sondaı-aq kandıdattarymyzdy tirkeý barysynda qysym, shekteý áreketteri tirkelgen joq.
Saıası partııalar arasynda da, birmandattyq okrýgpen dodaǵa túsken kandıdattarymyzda da erkin básekelestik bolǵanyn habarlaımyz. Partııa ókilderiniń táýelsiz baqylaýshylarmen ótkizgen kezdesýleri barlyq standartarǵa saı júrgizildi.
«Aýyl» partııasy úgit-nasıhat jumystary kezinde berilgen ýádeler men alǵa qoıǵan maqsattardy ispen dáleldeýge daıyn. Ár aýyldyń dańqy men ómir súrý deńgeıin joǵarylatý maqsatynda Májilis pen máslıhattarda naqty sheshimder qabyldaý úshin belsendi jumys atqaramyz.
Qazaqstandyqtardy kele jatqan Naýryz meıramymen quttyqtaı otyra, jańa saıası jańǵyrý dáýirine Birge nyq qadam jasaýǵa shaqyramyz!”,- delingen málimdemede.
