مادريدتەگى سان-پابلو CEU ۋنيۆەرسيتەتىنىڭ قازىرگى زامان تاريحى پروفەسسورى پروفەسسورى ريكاردو رۋيس دە لا سەرنا 2026 جىلعى 23 تامىزعا بەلگىلەنگەن قۇرىلتاي سايلاۋى قازاقستاننىڭ ساياسي دامۋىنداعى ماڭىزدى كەزەڭ بولادى دەپ ەسەپتەيدى.
ونىڭ ايتۋىنشا، بۇل جاڭا كونستيتۋتسيا قابىلدانعاننان كەيىن وتەتىن العاشقى پارلامەنتتىك سايلاۋ بولماق. ول جۇرگىزىلگەن رەفورمالاردىڭ ينستيتۋتسيونالدىق تۇرعىدان اياقتالۋىن قامتاماسىز ەتىپ، ەلدىڭ جاڭا دامۋ كەزەڭىنە جول اشادى.
ساراپشىنىڭ پىكىرىنشە، ءبىر پالاتالى قۇرىلتايعا كوشۋ زاڭ شىعارۋ ۇدەرىسىنىڭ تيىمدىلىگىن ارتتىرۋعا جانە ساياسي پارتيالاردىڭ ءرولىن كۇشەيتۋگە باعىتتالعان. سونىمەن قاتار جاڭا پارلامەنتتىڭ اتاۋى قازىرگى قازاقستان مەملەكەتتىلىگىنىڭ حالىقتىق وكىلدىك داستۇرلەرىمەن ساباقتاستىعىن كورسەتەدى.
«الداعى سايلاۋ قازاقستاننىڭ جاڭا كونستيتۋتسياسىندا ايقىندالعان ساياسي مودەلگە ءىس جۇزىندە كوشۋدى قامتاماسىز ەتۋى ءتيىس»، – دەيدى ريكاردو رۋيس دە لا سەرنا.
سايلاۋ پارتيالىق تىزىمدەر نەگىزىندەگى پروپورتسيونالدى جۇيە بويىنشا وتەدى. مۇنداي مودەل پارتيالاردىڭ ءوز باعدارلامالارى ءۇشىن جاۋاپكەرشىلىگىن ارتتىرىپ، ساياسي باسەكەلەستىكتىڭ دامۋىنا جاعداي جاسايدى. سايلاۋ ناۋقانىنىڭ نەگىزگى قاعيداتتارى اشىقتىق، زاڭدىلىقتىڭ ساقتالۋى جانە ازاماتتاردىڭ ەركىن تاڭداۋ جاساۋ قۇقىعىن قامتاماسىز ەتۋ بولۋى ءتيىس.
ساراپشىنىڭ پىكىرىنشە، كونستيتۋتسيالىق رەفورمالار – «ادىلەتتى قازاقستاندى» قۇرۋعا، مەملەكەتتىك باسقارۋدى جاڭعىرتۋعا جانە وكىلدى ينستيتۋتتاردى دامىتۋعا باعىتتالعان ساياساتتىڭ ءبىر بولىگى.
سايلاۋدىڭ ءوتۋى قازاقستاننىڭ ساياسي رەفورمالاردى جۇيەلى تۇردە جۇزەگە اسىرىپ كەلە جاتقان تۇراقتى ءارى سەنىمدى سەرىكتەس رەتىندەگى حالىقارالىق بەدەلىن دە نىعايتادى. داۋىس بەرۋ قورىتىندىسى بويىنشا جاساقتالاتىن جاڭا قۇرىلتاي كونستيتۋتسيا ەرەجەلەرىن ءىس جۇزىندە جۇزەگە اسىرىپ، ەلدىڭ الداعى دامۋ باعىتتارىن ايقىنداۋى ءتيىس.
