اسسالاۋماعالەيكۋم، قازاق حالقىم. ەسىمىم دىنمۇحامەد قاماتاي، الماتى قالاسىنىڭ قالقامان اۋدانىنىڭ تۋماسىمىن. مەن قازاقستان رەسپۋبليكاسىنىڭ پارلامەنت ماجىلىسىنە ەڭ جاس ۇمىتكەرمىن. الاش وردا 2.0 جاستار قوزعالىسىنىڭ نەگىزىن قالاۋشىسىمىن. مەكتەپتى قىزىل ديپلومعا ءبىتىرىپ، فۋتبولدىڭ ارقاسىندا اقش-تا تەگىن بيزنەس باسقارۋ ماماندىعىمەن وقىپ كەلدىم.
قايتىپ كەلۋىمنىڭ باستى سەبەبى — قازاقتىڭ ءار ءبىر بالاسىنا مۇمكىندىك بەرۋ. اقش-تىڭ NCAA اتتى جۇيەسى ءار ءبىر بالاعا مۇمكىندىك بەرە الادى. ەگەر ءار ءبىر مەكتەپتە تەگىن سپورت، عىلىم، ونەر ۇيىرمەلەرىن اشساق، قازاقتىڭ ءار ءبىر بالاسىنا مۇمكىندىك سىيلايمىز. سول ءۇشىن اۋدان اكىمدەرىمەن، قالا اكىمدەرىمەن، مينيسترمەن كۇرەستىم. 5 جىل بويى جۇيەمەن كۇرەستە تۇسىنگەنىم، ەگەر جۇيەدەگى جەمقورلاردى جويماساق، ەلىمىزدىڭ بولاشاعى قاران بولادى، قاڭتار قايتالاناتىنى كۇمانسىز. قاڭتار وقيعاسىنىڭ قاتىسۋشىسى رەتىندە مەن سول جەردە ەلىن ويلاعان ازاماتتار بولعانىنا كۋامىن، ەڭ سوڭعى الاڭنان قايتقان ادامنىڭ ءبىرى مەن. ءبىرىنشى بولىپ شەتەل جۋرناليستتەرىنە، وونعا، ەۆروپارلامەنت مۇشەلەرىنە سۇحبات بەرىپ حالقىمنىڭ اتىن، زاتىن قورعادىم. اقپاندا پىتكالارعا، قاناۋعا قارسى ميتينگتە كۇرەسىپ 15 تاۋلىككە باس بوستاندىعىمنان ايىرىلدىم. سول جەردە ولەڭ جازدىم، سوڭىندا وقي الاسىزدار. ءبىر جىل بويى قاڭتار انالارىمەن پروكۋراتۋرادا كۇرەستىم، امنيستياعا تالاستىم. حالقىممەن قورقىنىشتى، شاراسىزدىقتى كوردىم. بىراق ونىمەن بىرگە باتىلدىقتى تاپتىم، سەنىم تاپتىم. ويىمدا قازاق اتامنىڭ ءسوزى بولدى. وتان ءۇشىن وتقا ءتۇس كۇيمەيسىڭ، حالقىڭ ءۇشىن ارپالىس ولمەيسىڭ. سىزدەرگە كۇمانسىز بەرە الاتىن ءسوزىم — ەلىم ءۇشىن وتقا تۇسەمىن، حالقىم ءۇشىن ارپالىسامىن! 
مەنىڭ باعدارلامام وسى:
1. ەكونوميكانى دامىتۋ: شەتەلدىك ينۆەستيتسيالاردى ۇلعايتۋ، جاڭا جۇمىس ورىندارىن قۇرۋ، شاعىن جانە ورتا بيزنەستى قولداۋ. 30 جىلدا زاڭسىز تۇردە جەكە مەنشىككە الىنعان كاسىپ ورىنداردى، جەردى، حالىقتىڭ بايلىعىن مەملەكەت تاراپىنا قايتارۋ. سونداي-اق اۋىل شارۋاشىلىعى مەن اۋىلدىق اۋماقتاردى دامىتۋعا نازار اۋدارۋ قاجەت.
شەتەلدىك ينۆەستورلاردى بريتاندىق زاڭنامامەن قورعاۋ جانە مەملەكەتتىڭ ينۆەستيتسيالاردىڭ قاۋىپسىزدىگىنە كەپىلدىك بەرۋى. جەرگىلىكتى، شاعىن جانە ورتا كاسىپكە ارنالعان ينۆەستيتسيالاردى سايىس ارقىلى ءبولۋ.
لاتۋفۋنديستەردەن تاركىلەنگەن جەردى جاس وتباسىلارعا ءبولۋ. جاس كاسىپكەرلەرگە اۋىل شارۋاشىلىعىن دامىتۋعا كومەك كورسەتۋ.
2. الەۋمەتتىك دەڭگەيدى كوتەرۋ: ازاماتتاردىڭ ءومىر ءسۇرۋ دەڭگەيىن ارتتىرۋ، دەنساۋلىق ساقتاۋ جانە ءبىلىم بەرۋ جۇيەسىن نىعايتۋ، سونداي-اق جاس وتباسىلاردى قولداۋ.
بانك پايىزدارىن تومەندەتۋ، جاس وتباسىلارعا كومەك باعدارلاماسىن قۇرۋ، ستۋدەنتتەرگە گرانتتاردى كوبەيتۋ، جاتاقحانالار سانىن ارتتىرۋ. جالعىزباستى انالارعا، مۇگەدەكتەرگە، زەينەتكەرلەرگە، جەتىمدەرگە سياقىنى 200 000 تەڭگەگە دەيىن ۇلعايتۋ. انالارىمىزدىڭ زەينەتكە شىعۋ جاسى 58 گە تومەندەتۋ.
3.سىبايلاس جەمقورلىققا قارسى كۇرەس: بيلىكتىڭ بارلىق دەڭگەيلەرىندە سىبايلاس جەمقورلىققا قارسى كۇرەس جونىندەگى شارالاردى ازىرلەۋ. جەمقورلاردىڭ ۇرلىعى قايتالانعان كەزدە قولىن كەسۋ جازاسى. تاڭداۋ الەۋمەتتىك جەلىسىن قۇرۋ، وندا ءاربىر ازامات ماڭىزدى ماسەلەنى جىبەرىپ، پەتيتسيالار جيناي الادى. 500 000 قول جينالسا ءماجىلىس بۇل ماسەلەنى قاراۋى ءتيىس.
4. حالىقارالىق ىنتىماقتاستىقتى نىعايتۋ: باسقا ەلدەرمەن ديپلوماتيالىق قاتىناستار مەن ەكونوميكالىق بايلانىستاردى دامىتۋ، حالىقارالىق ۇيىمدار مەن كەلىسىمدەرگە قاتىسۋ.
ۇقشۇ-دان شىعۋ، ەاەو شارتتارىن قايتا قاراۋ، سونداي-اق"ۇلى تۇركىستان" تۇركى وداعىن قۇرۋ.
5. دەموكراتيانى دامىتۋ: ازاماتتاردىڭ قۇقىقتارى مەن بوستاندىقتارىن قورعاۋ، قۇقىقتىق مەملەكەتتى نىعايتۋ، سىبايلاس جەمقورلىققا قارسى كۇرەس جانە ازاماتتار مەن بيلىك اراسىندا اشىق ديالوگ ورناتۋ.
بەيبىت جينالىس تۋرالى زاڭدى وزگەرتىپ، ازاماتتىق بەلسەندىلىكە كەدەرگى جاساماۋ. باق-تىڭ مۇمكىندىكتەرىن كەڭەيتۋ، ءسوز بوستاندىعىن نىعايتۋ. ءاربىر الەۋمەتتىك زاڭدى، تاڭداۋ قوسىمشاسى ارقىلى حالىقتىڭ داۋىس بەرۋىمەن وتكىزۋ.
6. ۇلتتىق بىرەگەيلىكتى نىعايتۋ: قازاق حالقىنىڭ مادەني مۇراسى مەن داستۇرلەرىن قولداۋ.
الاش وردا تاريح جانە مادەنيەت ساباقتارىنىڭ باستى باعىتى.
7. بالالار مەن جاستار سپورتىن دامىتۋ: بالالار مەن جاستار اراسىندا سپورتپەن شۇعىلدانۋعا جاعداي جاساۋ، دارىندى سپورتشىلاردى قولداۋ.
NCAA امەريكاندىق ءبىلىم بەرۋ جانە سپورت جۇيەسىن قازاقى، ۇلتتىق ناقىشتا قازاقستانعا ەندىرۋ. ءار ءبىر مەكتەپتە تەگىن سپورت، عىلىم، ونەر ۇيىرمەلەرىن اشۋ. قازاقتىڭ ءار بالاسىنا مۇمكىندىك جاساۋ!
باتىر حالىق ۇرپاعى بولىپ تۋىلدىڭ
تاۋەلسىز بولىپ، قاhارماندى ۇمىتتىڭ
قانمەن كەلگەن بوستاندىقتى سىيلاماي
ۇرپاعىڭدى، بولاشاقتى نە قىلدىڭ؟
ۇيىقتا قازاق، ۇيىقتادىڭ 30 جىل
كۇرەستىڭ سەن قازاق ءۇشىن قاي ءبىر جىل
ەلىم دەگەن، جەرىم دەگەن قازاقتى
كورە المادىڭ، ويلامادىڭ، نە قىلدىڭ؟
ۇيقىدا قالماي، حالقىڭدى جويماي
جەرىڭدى ساتپاي، ەلىڭدى اتپاي
وتىرىككە سەنبەي، ايداعانعا كونبەي
كوتەر سەن باستى، بولاسىڭ مەندەي!
ماقالا قاراجاتى ورتالىق سايلاۋ كوميسسياسىنان تولەندى.
