Assalaýmaǵaleıkým, Qazaq halqym. Esimim Dinmuhamed Qamataı, Almaty qalasynyń Qalqaman aýdanynyń týmasymyn. Men Qazaqstan Respýblıkasynyń Parlament Májilisine eń jas úmitkermin. Alash Orda 2.0 jastar qozǵalysynyń negizin qalaýshysymyn. Mektepti qyzyl dıplomǵa bitirip, fýtboldyń arqasynda AQSh-ta tegin Bıznes Basqarý mamandyǵymen oqyp keldim.
Qaıtyp kelýimniń basty sebebi — qazaqtyń ár bir balasyna múmkindik berý. AQSh-tyń NCAA atty júıesi ár bir balaǵa múmkindik bere alady. Eger ár bir mektepte tegin sport, ǵylym, óner úıirmelerin ashsaq, Qazaqtyń ár bir balasyna múmkindik syılaımyz. Sol úshin aýdan ákimderimen, qala ákimderimen, mınıstrmen kúrestim. 5 jyl boıy júıemen kúreste túsingenim, eger júıedegi jemqorlardy joımasaq, elimizdiń bolashaǵy qaran bolady, Qańtar qaıtalanatyny kúmánsiz. Qańtar oqıǵasynyń qatysýshysy retinde men sol jerde elin oılaǵan azamattar bolǵanyna kýámin, eń sońǵy alańnan qaıtqan adamnyń biri men. Birinshi bolyp shetel jýrnalıstterine, OONǵa, Evroparlament múshelerine suhbat berip halqymnyń atyn, zatyn qorǵadym. Aqpanda pytkalarǵa, qanaýǵa qarsy mıtıngte kúresip 15 táýlikke bas bostandyǵymnan aıyryldym. Sol jerde óleń jazdym, sońynda oqı alasyzdar. Bir jyl boıy qańtar analarymen prokýratýrada kúrestim, amnıstııaǵa talastym. Halqymmen qorqynyshty, sharasyzdyqty kórdim. Biraq onymen birge batyldyqty taptym, senim taptym. Oıymda qazaq atamnyń sózi boldy. Otan úshin otqa tús kúımeısiń, Halqyń úshin arpalys ólmeısiń. Sizderge kúmánsiz bere alatyn sózim — elim úshin otqa túsemin, halqym úshin arpalysamyn! 
Meniń baǵdarlamam osy:
1. Ekonomıkany damytý: sheteldik ınvestıııalardy ulǵaıtý, jańa jumys oryndaryn qurý, shaǵyn jáne orta bıznesti qoldaý. 30 jylda zańsyz túrde jeke menshikke alynǵan kásip oryndardy, jerdi, halyqtyń baılyǵyn memleket tarapyna qaıtarý. Sondaı-aq aýyl sharýashylyǵy men aýyldyq aýmaqtardy damytýǵa nazar aýdarý qajet.
Sheteldik ınvestorlardy Brıtandyq zańnamamen qorǵaý jáne memlekettiń ınvestıııalardyń qaýipsizdigine kepildik berýi. Jergilikti, shaǵyn jáne orta kásipke arnalǵan ınvestıııalardy saıys arqyly bólý.
Latýfýndısterden tárkilengen jerdi jas otbasylarǵa bólý. Jas kásipkerlerge aýyl sharýashylyǵyn damytýǵa kómek kórsetý.
2. Áleýmettik deńgeıdi kóterý: azamattardyń ómir súrý deńgeıin arttyrý, densaýlyq saqtaý jáne bilim berý júıesin nyǵaıtý, sondaı-aq jas otbasylardy qoldaý.
Bank paıyzdaryn tómendetý, jas otbasylarǵa kómek baǵdarlamasyn qurý, stýdentterge granttardy kóbeıtý, jataqhanalar sanyn arttyrý. Jalǵyzbasty analarǵa, múgedekterge, zeınetkerlerge, jetimderge sııaqyny 200 000 teńgege deıin ulǵaıtý. Analarymyzdyń zeınetke shyǵý jasy 58 ge tómendetý.
3.Sybaılas jemqorlyqqa qarsy kúres: bıliktiń barlyq deńgeılerinde sybaılas jemqorlyqqa qarsy kúres jónindegi sharalardy ázirleý. Jemqorlardyń urlyǵy qaıtalanǵan kezde qolyn kesý jazasy. Tańdaý áleýmettik jelisin qurý, onda árbir azamat mańyzdy máseleni jiberip, petıııalar jınaı alady. 500 000 qol jınalsa Májilis bul máseleni qaraýy tıis.
4. Halyqaralyq yntymaqtastyqty nyǵaıtý: basqa eldermen dıplomatııalyq qatynastar men ekonomıkalyq baılanystardy damytý, halyqaralyq uıymdar men kelisimderge qatysý.
UQShU-dan shyǵý, EAEO sharttaryn qaıta qaraý, sondaı-aq"Uly Túrkistan" Túrki odaǵyn qurý.
5. Demokratııany damytý: azamattardyń quqyqtary men bostandyqtaryn qorǵaý, quqyqtyq memleketti nyǵaıtý, sybaılas jemqorlyqqa qarsy kúres jáne azamattar men bılik arasynda ashyq dıalog ornatý.
Beıbit jınalys týraly zańdy ózgertip, azamattyq belsendilike kedergi jasamaý. BAQ-tyń múmkindikterin keńeıtý, sóz bostandyǵyn nyǵaıtý. Árbir áleýmettik Zańdy, Tańdaý qosymshasy arqyly halyqtyń daýys berýimen ótkizý.
6. Ulttyq biregeılikti nyǵaıtý: qazaq halqynyń mádenı murasy men dástúrlerin qoldaý.
Alash ORDA tarıh jáne mádenıet sabaqtarynyń basty baǵyty.
7. Balalar men jastar sportyn damytý: balalar men jastar arasynda sportpen shuǵyldanýǵa jaǵdaı jasaý, daryndy sportshylardy qoldaý.
NCAA amerıkandyq bilim berý jáne sport júıesin qazaqy, ulttyq naqyshta Qazaqstanǵa endirý. Ár bir mektepte tegin sport, ǵylym, óner úıirmelerin ashý. Qazaqtyń ár balasyna múmkindik jasaý!
Batyr halyq urpaǵy bolyp týyldyń
Táýelsiz bolyp, qaharmandy umyttyń
Qanmen kelgen bostandyqty syılamaı
Urpaǵyńdy, bolashaqty ne qyldyń?
Uıyqta Qazaq, uıyqtadyń 30 jyl
Kúrestiń sen Qazaq úshin qaı bir jyl
Elim degen, jerim degen Qazaqty
Kóre almadyń, oılamadyń, ne qyldyń?
Uıqyda qalmaı, Halqyńdy joımaı
Jerińdi satpaı, Elińdi atpaı
Ótirikke senbeı, Aıdaǵanǵa kónbeı
Kóter sen basty, bolasyń mendeı!
Maqala qarajaty ortalyq saılaý komıssııasynan tólendi.
