بيىل تالدىقورعاننىڭ وبلىس ورتالىعى بولعانىنا 20 جىل تولادى، ۇلكەن تاريحى بار شاعىن قالا ءوزىنىڭ مەرەيتويىن تويلايدى. ءىس-شارا قۇرمەتىنە "Jetisy media" كمم حالىق اراسىندا ساۋالناما جۇرگىزدى.
ساۋالناما تالدىقورعان قالاسىنىڭ جاس جانە اعا بۋىن وكىلدەرى اراسىندا ءوتتى. قالانىڭ الداعى 20 جىلدىق مەرەيتويىن ەستىگەن قارت ازاماتتار بۇرىنعى تالدىقورعاندى ەسكە الىپ، ونى قازىرگىمەن سالىستىرا باستادى.
"ارينە، ايىرماشىلىق وتە زور، مەن مۇندا 47 جىل تۇردىم، تالدىقورعان ءوسىپ، دامىپ كەلەدى. قازىر قالا تۇرعىنداردىڭ باسىم بولىگى-جاس جىگىتتەر مەن قىزدار، ءبىزدىڭ بولاشاق ۇرپاعىمىز. مەنىڭ كوز الدىمدا شاعىن اۋداندار ءوسىپ، مادەني نىساندار سالىنىپ، ينفراقۇرىلىم دامىدى. مەن تالدىقورعاننىڭ ءوسىپ-ونگەنىنە وتە قۋانىشتىمىن جانە ماقتانامىن، مەن بارلىق سانالى ءومىرىمدى وسىندا وتكىزەمىن جانە ەشقايدا كەتپەيتىنىمە سەنىمدىمىن", - دەدى قالا تۇرعىنى سەرگەي.
ساۋالناما جۇرگىزۋ كەزىندە قالانىڭ 100-دەن استام تۇرعىنىنىڭ پىكىرى ەسكەرىلدى. قورىتىندى بىرەۋ، ساۋالناما كورسەتكەندەي، تالدىقورعاننىڭ بارلىق تۇرعىندارى ءوز قالالارىن جاقسى كورەدى جانە ماقتان تۇتادى.
"مۇندا مەنىڭ بالالىق شاعىم ءوتتى، مەنىڭ تۋعان ءۇيىم مەن وتباسىم، ادال دوستارىم دا وسى قالادا جانە العاشقى ماحابباتىمدى تۋعان قالامنان كەزدەستىردىم. تالدىقورعان-ءبىزدىڭ كىشى وتانىمىز". ساۋالناما بارىسىندا وسىنداي جاۋاپ الدىق.
جەتىسۋلىقتاردان " تالدىقورعان قالاسىن نە ءۇشىن جاقسى كورەسىڭ؟", "تۋعان قالاڭىزدى نەمەن بايلانىستىراسىز؟" دەگەن ساۋالدارعا كوپتەگەن تالدىقورعاندىقتار تازا جانە جاسىل قالا دەگەن ۇعىممەن بايلانىستىرامىن دەپ جاۋاپ بەردى.
سونىمەن قاتار تۇرعىندار بەلگىلى ءبىر كورنەكتى ورىندار مەن نىسانداردى، سونىڭ ىشىندە ساقيناداعى ستەلا، كىرەبەرىس اركا، ساياباقتار جانە باسقالارىن اتادى. سونداي-اق، ءبىر قالا تۇرعىنى تالدىقورعاننىڭ الماتى وبلىسى اقسۋ اۋدانىنىڭ تۋماسى، اتاقتى قازاق اقىنى جانە كلاسسيگى ءىلياس جانسۇگىروۆپەن بايلانىستىراتىنىن ايتتى.
"ادىرنا" ۇلتتىق پورتالى.
