ماڭعىستاۋ وبلىسىنىڭ جاس ۇستازدارى NIS-تە باس قوستى

811


اقتاۋ قالاسىنداعى حيميا-بيولوگيا باعىتىنداعى نازارباەۆ زياتكەرلىك مەكتەبىندە جاس مۇعالىمدەردىڭ ايماقتىق فورۋمى ءوتتى. 

پەداگوگيكالىق شەبەرلىك ورتالىعى فيليالىنىڭ ۇيىمداستىرۋىمەن «جاس ۇستاز: تابىسقا اپارار جول» اتتى وبلىستىق فورۋمى وتكىزىلدى. بۇل شارا تامىز ايىندا ەلوردادا رەسپۋبليكا كولەمىندە وتكەن فورۋمىنىڭ جالعاسى.

ماڭعىستاۋ وبلىسى مەكتەپتەرىنەن قاتىسقان 140ان استام مۇعالىمگە پەداگوگيكالىق شەبەرلىك ورتالىعى ماماندارى ساباق قۇرىلىمىن زەرتتەۋ، فۋنكتسيونالدى ساۋاتتىلىقتى ارتتىرۋ، وقىتۋدا اكت-نى ءتيىمدى قولدانۋ سياقتى ماڭىزدى تاقىرىپتار بويىنشا ترەنينگتەر ۇيىمداستىردى. فورۋمدا تاقىرىپتىق الاڭدار، جاس ۇستازداردىڭ شەبەرلىك ساباقتارى جانە Active SPOT الاڭدارى جۇمىس جاسادى.  

فورۋمنىڭ اشىلۋ سالتاناتىندا ماڭعىستاۋ وبلىسىنىڭ ءبىلىم باسقارماسىنىڭ باسشىسى دينارا جۇماشەۆا  جاس ۇستازدارعا قولداۋ كورسەتىپ، تابىستى مۇعالىم قانداي بولۋ كەرەكتىگىن اتاپ ءوتتى. اقتاۋ قالاسىنداعى نازارباەۆ زياتكەرلىك مەكتەبىنىڭ ديرەكتورى ريناتجۇماباەۆ قازىرگى جاس ۇستازدارعا شەبەرلىگىن شىڭداۋ ءۇشىن ەلىمىزدە قاراستىرىلعان مۇمكىندىكتەرگە توقتالىپ، ۇستازدارعا بەرىلگەن بار مۇمكىندىكتى پايدالانىپ، بىلىكتى مامان بولۋعا شاقىردى.

«جاس ۇستاز: تابىسقا اپارار جول» وبلىستىق فورۋمىندا ءسوز سويلەگەن ءبىر قاتار قاتىسۋشىلار مەن قوناقتار فورۋمنىڭ ماڭىزدىلىعىنا توقتالدى.

- تامىز ايىندا رەسپۋبليكا كولەمىندە وتكەن فورۋمنىڭ قاتىسۋشىسى رەتىندە بۇنداي شارانىڭ ۇستازدار ءۇشىن، اسىرەسە جاس ماماندار ءۇشىن ماڭىزدى ەكەنىن ايتقىم كەلەدى. ويتكەنى ۇستازدار قاۋىمى ەلدىڭ ەرتەڭى، بولاشاعى. ولارعا ءاردايىم قولداۋ كورسەتۋ ارقىلى بولاشاققا نىق سەنىممەن قاراۋعا ابدەن بولادى. بۇگىن مىنە  ولكەمىزدەگى دارىندى، جاس ۇستازداردىڭ باسىن قوسىپ، وتكەن فورۋمنان العان اسەرىمىزبەن، تاجىريبەمىزدى ورتاعا سالىپ، تەوريالىق مالەمەتتەردى ءبولىسىپ جاتىرمىز،- دەيدى مارات قانيەۆ, اقشۇقىر مەكتەپ-ليتسەيىنىڭ قازاق ءتىلى مەن ادەبيەتى ءپانى مۇعالىمى

سونداي اق «جاس ۇستاز:تابىسقا اپارار جول»  فورۋمىنا ارنايى شاقىرىلعان قوناقتار بوكستان وليمپيادا ويىندارىنىڭ ەكى دۇركىن كۇمىس جۇلدەگەرى، ازيا ويىندارىنىڭ چەمپيونى ادىلبەك نيازىمبەتوۆ, قازاقستان جازۋشىلار وداعىنىڭ مۇشەسى باقتىباي جايلاۋ، ن. جانتۋرين اتىنداعى دراما تەاترىنىڭ اكتەرىەركەبۇلان بەكەن جاس ۇستازدارمەن سۇحباتتاسىپ، سۇراقتارىنا جاۋاپ بەردى.

- جاس ۇستازدارعا ارنالعان وبلىستىق فورۋم وتە جوعارى دەڭگەيدە ءوتتى. قىزىق بولعانى سونشا ۋاقىتتىڭدا قالاي وتكەنىن بايقامادىق. دەسەدە كوڭىل كوتەرۋ ارينە جاقسى بىراق، وسى فورۋمنان العان ءبىلىمىمىز ءبىراز جىلعا ازىق بولارى ءسوزسىز. ۇستازدىق ەتكەن شاقتان بۇگىنگە دەيىن وبلىستىڭ تۇكپىرىنەن كەلگەن ۇستازدارمەن العاش رەت كەزدەسىپ، تاجىريبە الماسۋدامىن. ءدال وسىنداي كەزدەسۋلەر جاس ۇستازدارعا شىنىمەن دە قاجەت. قازىر زاماننىڭ قارقىندى دامىعان شاعىندا مەكتەپتەردە قالىس قالماي، وقىتۋدىڭ جاڭا باعىتتارىن پايدالانۋدا. وسى تۇستا ۇستازدار قاۋىمى ءبىر جۇدىرىقتاي جۇمىلىپ، ءبىر-بىرىمىزگە جاڭا دۇنيەنى ۇيرەتىپ، تاجىريبە الماسۋ وتە ماڭىزدى،- دەدى باقىتگۇل تىلەۋباەۆا جاڭاوزەن قالاسى №24 مەكتەپ-ليتسەيىنىڭ ۇستازى

- ۇستاز - ۇلت بولاشاعىمەن ەل تۇعىرىنىڭ كەپىلى بولۋ كەرەك. ەرتەڭىمىز ءۇشىن الاڭدايتىن ەل بولساق كەز كەلگەن ماسەلەنى ۇستازداردان باستاعانىمىز ءجون. ۇلت بولاشاعىن تاربيەلەۋشىلەرگە ءوز دەڭگەيىندە قولداۋ ءبىلدىرۋ قاجەت، اسىرەسە ۇستازدىق دەگەن ۇلى جولعا ەندى قادام باسقان جاس ماماندارعا. مىنە بۇگىنگى فورۋمنىڭ باستى ماقساتى وسى،- پەداگوگيكالىق شەبەرلىك ورتالىعىنىڭ ديرەكتورى قاتيرا بورانباەۆا

فورۋم سوڭىندا كەرى بايلانىس ۇيىمداستىرىلىپ، جاس ۇستازدار قاۋىمىنان سىندارلى قاجەتتى كەرى بايلانىستار بەرىلدى.

پىكىرلەر
ۇقساس جاڭالىقتار
Серіктестер/Партнеры
Студия IMA - создание сайтов Доставка цветов Астана - Lova Buket