دەپۋتات ءادىل جۇبانوۆ ەلدە وندىرىلگەن مۇنايدىڭ ءاربىر تونناسىنان 1 دوللاردى حالىق جاعدايىن جاقسارتۋعا جۇمساۋدى ۇسىندى. بۇل تۋرالى ول پارلامەنتتەگى وتىرىستا الەۋمەتتىك-ەكونوميكالىق دامۋىنا بولىنەتىن قاراجاتتى تالقىلاۋ كەزىندە ايتتى، دەپ حابارلايدى “ادىرنا” ۇلتتىق پورتالى.
13 اقپاندا ماجىلىستە «تەڭىزشەۆرويل» كومپانياسىنىڭ قازاقستاندىق ۇلەسىن دامىتۋ ماسەلەلەرى تالقىلانعان. وندا اتىراۋ وبلىسىنان سايلانعان دەپۋتات ءادىل جۇبانوۆ «تەڭىزشەۆرويل» كومپانياسىنىڭ «يگىلىك» الەۋمەتتىك باعدارلاماسى بيۋدجەتىن ۇلعايتۋدى ۇسىندى.
«25 ملن توننا مۇناي ءوندىرىلدى – 25 ملن دوللار ءبولىندى. ءوندىرىستى كەڭەيتۋ ارقىلى جىلىنا 40 ملن توننا مۇناي وندىرىلسە، الەۋمەتتىك باعدارلاما بيۋدجەتى 40 ملن دوللارعا دەيىن ۇلعايسىن»، – دەيدى اتىراۋ وبلىسىنان پارلامەنتكە سايلانعان دەپۋتات ءادىل جۇبانوۆ.
ول قازاقستاندا وندىرىلگەن مۇنايدىڭ ءاربىر تونناسىنان 1 دوللار جەرگىلىكتى حالىقتىڭ الەۋمەتتىك جاعدايىن جاقسارتۋعا بولىنگەنىن قالايدى.
«تەڭىزشەۆرويل» كومپانياسىنىڭ باسشىسى الەۋمەتتىك بيۋدجەتتى ۇلعايتۋ ماسەلەسىن اكتسيونەرلەر دەڭگەيىندە تالقىلاۋ قاجەت ەتكەنىن ايتقان. سەبەبى «يگىلىكتى» مۇناي ءوندىرۋشى كومپانيا ءوز ەركىمەن اشقان جانە قاراجاتتى جەكە ەسەبىنەن اۋدارىپ وتىر.
قازاقستان زاڭناماسى مۇناي وڭدەۋشى كومپانيالار تابىستىڭ 1 پايىزىن ايماقتىڭ الەۋمەتتىك-ەكونوميكالىق دامۋىنا جۇمساپ وتىرۋعا مىندەتتى. بىراق مۇنداي تالاپتان «تەڭىزشەۆرويل»، «قاراشىعاناق پەتروليۋم وپەرەيتينگ» جانە NCOC بوساتىلعان.
Energy Monitor تەلەگرام-ارناسى مۇناي ءوندىرۋشى كومپانيانىڭ الەۋمەتتىك باعدارلاماسىنا نازار اۋدارعان ەدى.
«تەڭىزشەۆرويل» «يگىلىك» الەۋمەتتىك باعدارلاماسىنىڭ بيۋدجەتىن 25 ملن دوللارعا ۇلعايتقان. تەلەگرام جازباسى بويىنشا، زاڭ تالابىن تشو-عا قويسا، جىلدا الەۋمەتكە كەمى 50 ملن دوللار اۋدارار ەدى.
«قپو» كالەۋمەتتىك جوبالارعا جىل سايىن 70 ملن دوللاردان استام قاراجات ءبولىپ وتىر.
ال «تەڭىزشەۆرويل» 2024 جىلى 27,8 ملن توننا شيكى مۇناي ءوندىرىپ، 1,2 ملن توننا سۇيىتىلعان گاز ساتقان. كومپانيا الداعى جىلدارى ءوندىرىس كولەمىن ارتتىرۋدى كوزدەپ وتىر.
«تەڭىزشەۆرويل» 1993 جىلى قازاقستان ۇكىمەتى مەن امەريكالىق Chevron كومپانياسى اراسىنداعى 40 جىلدىق كەلىسىم-شارت نەگىزىندە قۇرىلعان. بىرلەسكەن كومپانيا 1998 جىلى «يگىلىك» باعدارلاماسىن اشىپ، بيۋدجەتىن 25 ملن دوللارعا دەيىن ۇلعايتقان.
