اقش پەن ەو رەسەيگە سانكتسيالاردى اينالىپ وتۋگە كومەكتەسىپ وتىرعان ەلدەرگە قاتىستى قاتاڭ شارالار قولدانۋدى جوسپارلاپ وتىر. بۇل تۋرالى ەۋروكوميسسيا توراعاسى ۋرسۋلا فون دەر لەيەن مەن اقش پرەزيدەنتى دجو بايدەن ۆاشينگتوندا وتكەن كەزدەسۋدە مالىمدەدى، دەپ حابارلايدى "ادىرنا" ۇلتتىق پورتالى.
«ءبىز رەسەيگە الەمنىڭ كەز كەلگەن جەرىنەن سوعىس جۇرگىزۋگە كومەكتەسەتىندەرگە جول بەرمەۋ ءۇشىن قولداۋ كورسەتىپ جاتقان ءۇشىنشى ەلدەردەگى سۋبەكتىلەرگە قارسى بىرلەسىپ شارالار قابىلداۋعا دايىنبىز»، - دەپ مالىمدەدى ۋرسۋلا فون دەر لەيەن مەن دجو بايدەن.
ەۋروپالىق وداق پەن اقش رەسەيدىك اسكەري-ونەركاسىپتىك كەشەنىن «بۇدان ءارى السىرەتۋ» ماقساتىندا جاڭا شارالاردى جاريالادى.
«ءبىز ۋكرايناعا قولداۋ كورسەتۋدى جالعاستىرامىز جانە رەسەيدىڭ سوعىس جۇرگىزۋ قابىلەتىن تومەندەتەمىز.ءبىز جالتارۋ مەن اينالىپ ءوتۋدىڭ الدىن الۋ ءۇشىن سانكتسيالارىمىزدىڭ ساقتالۋىن باقىلاۋدى كۇشەيتەمىز. ءبىز رەسەيلىك اسكەري ماشيناعا وتىن بەرۋدى جالعاستىراتىن جەتكىزۋ جولدارىن كەسىپ تاستاۋىمىز كەرەك جانە ءبىز وعان قاتىسى بار ادامدارعا سانكتسيا سالامىز»، - دەدى ۋرسۋلا فون دەر لەيەن ءوزىنىڭ Twitter-دەگى جازباسىندا.
"ادىرنا" ۇلتتىق پورتالى
