AQSh pen EO Reseıge sankııalardy aınalyp ótýge kómektesip otyrǵan elderge qatysty qatań sharalar qoldanýdy josparlap otyr. Bul týraly Eýrokomıssııa tóraǵasy Ýrsýla fon der Leıen men AQSh prezıdenti Djo Baıden Vashıngtonda ótken kezdesýde málimdedi, dep habarlaıdy "Adyrna" ulttyq portaly.
«Biz Reseıge álemniń kez kelgen jerinen soǵys júrgizýge kómektesetinderge jol bermeý úshin qoldaý kórsetip jatqan úshinshi elderdegi sýbektilerge qarsy birlesip sharalar qabyldaýǵa daıynbyz», - dep málimdedi Ýrsýla fon der Leıen men Djo Baıden.
Eýropalyq Odaq pen AQSh Reseıdik áskerı-ónerkásiptik keshenin «budan ári álsiretý» maqsatynda jańa sharalardy jarııalady.
«Biz Ýkraınaǵa qoldaý kórsetýdi jalǵastyramyz jáne Reseıdiń soǵys júrgizý qabiletin tómendetemiz.Biz jaltarý men aınalyp ótýdiń aldyn alý úshin sankııalarymyzdyń saqtalýyn baqylaýdy kúsheıtemiz. Biz reseılik áskerı mashınaǵa otyn berýdi jalǵastyratyn jetkizý joldaryn kesip tastaýymyz kerek jáne biz oǵan qatysy bar adamdarǵa sankııa salamyz», - dedi Ýrsýla fon der Leıen óziniń Twitter-degi jazbasynda.
"Adyrna" ulttyq portaly
