«AMANAT» رەسپۋبليكالىق سايلاۋالدى شتابى مۇشەلەرىنىڭ وڭىرلەردەگى سايلاۋشىلارمەن كەزدەسۋى جالعاسۋدا. بۇگىن پارتيالىقتار الماتى وبلىسىنىڭ تۇرعىندارىمەن جۇزدەستى.
قوناەۆ قالاسىنداعى مادەنيەت ۇيىنە 200-گە جۋىق تۇرعىن جينالدى. ولار «AMANAT»-تىڭ وزەكتى ماسەلەلەردى قالاي شەشۋدى كوزدەپ وتىرعانىن پارتيالىقتاردىڭ ءوز اۋىزىنان ەستىدى.
«بۇل سايلاۋدا «AMANAT» پارتياسىنان ۇمىتكەرلەردىڭ ءتىزىمى 75%-عا جاڭاردى. ءبىزدىڭ قاتارىمىزدا ناقتى ءبىر ايماقتىڭ ەرەكشەلىگىن جاقسى بىلەتىن جانە ءتۇرلى سالادا قىزمەت ەتىپ جۇرگەن بەدەلدى ازاماتتار بار. پارتيانىڭ «حالىقپەن بىرگە!» سايلاۋالدى باعدارلاماسى – بۇگە-شىگەسىنە دەيىن ەسەپتەلگەن جانە جۇزەگە اساتىن قۇجات. ياعني، ءبىز تىڭعىلىقتى دايىندالدىق جانە حالىقپەن بىرگە العا قويعان ماقساتتارعا قول جەتكىزەتىنىمىزگە سەنىمدىمىز»، - دەدى «AMANAT» توراعاسى ەرلان قوشانوۆ.
ول الماتى وبلىسى حالقىنىڭ 85%-ى اۋىلدىق جەردە تۇراتىنىن اتاپ ءوتتى. سوندىقتان پارتيا ۇكىمەتپەن بىرلەسىپ ىسكە قوسقان «اۋىل اماناتى» جوباسى ولار ءۇشىن ەرەكشە وزەكتى. جوبانى جۇزەگە اسىرۋعا 1 تريلليون تەڭگە قاراستىرىلعان. اۋىل تۇرعىندارىنا مال وسىرۋگە، ءوز ءىسىن اشۋعا جىلدىق 2,5% نەسيە بەرىلەدى.
قاراپايىم اۋىل تۇرعىندارى ءۇشىن جايىلىم ماسەلەسى وتكىر كۇيىندە قالىپ وتىر. وسىعان بايلانىستى پارتيا جانىنان «جەر اماناتى» كوميسسياسى جۇمىس ىستەيدى. وتكەن جىلى كوميسسيانىڭ ارالاسۋىمەن پايدالانىلماي جاتقان 5 ملن گەكتار جەر مەملەكەت مەنشىگىنە قايتارىلدى. بيىل تاعى 5 ملن گەكتار جەردى قايتارۋ جوسپارلانىپ وتىر.
وڭىردە جاستار اراسىنداعى جۇمىسسىزدىق، مەكتەپ پەن دەنساۋلىق ساقتاۋ نىساندارىنىڭ تاپشىلىعى سياقتى باسقا دا ماڭىزدى ماسەلەلەر بار.
الداعى بەس جىلدا پارتيا وڭىردە كەمىندە 175 مىڭ جۇمىس ورنىن اشۋعا، 63 مەكتەپ پەن 58 دەنساۋلىق ساقتاۋ نىسانىن سالۋعا ىقپال ەتەدى.
«وبلىستاعى مەديتسينا نىساندارى 40%-عا ەسكىرگەن، ماماندار تاپشى. مۇنداي پروبلەمالار ەلدىڭ بارلىق ايماعىندا بار. الداعى بەس جىلدا ءبىز بارلىق دەنساۋلىق ساقتاۋ ۇيىمىنداعى زاماناۋي جابدىقتاردىڭ ۇلەسىن 70%-عا دەيىن جەتكىزۋدى جوسپارلاپ وتىرمىز. اۋىلداعى جاس ماماندارعا كوتەرمە جاردەماقىنى 10 ميلليون تەڭگەگە دەيىن ارتتىرۋ قامتاماسىز ەتىلەدى. بۇل مامان تاپشىلىعى ماسەلەسىن شەشۋگە مۇمكىندىك بەرەدى»، - دەپ اتاپ ءوتتى ەرلان قوشانوۆ.
سونىمەن قاتار، پارتيانىڭ سايلاۋالدى باعدارلاماسىندا شالعايداعى جانە شەكارالاس ەلدى مەكەندەردى دامىتۋعا ەرەكشە نازار اۋدارىلدى. مىسالى، الماتى وبلىسىنداعى تاۋلى اۋدانداردىڭ تۇرعىندارىن گازداندىرۋ ماسەلەسى تولعاندىرادى. ونى شەشۋ ءۇشىن پارتيا 147 ەلدى مەكەندى قامتيتىن «شەلەك-كەگەن» ماگيسترالدىق گاز قۇبىرىنىڭ قۇرىلىسىن جۇرگىزۋگە ىقپال ەتەدى.
"ادىرنا" ۇلتتىق پورتالى
دايىنداعان: "AMANAT" پارتياسىنىڭ ءباسپاسوز قىزمەتى
تاپسىرىس بەرۋشى: م.ج. وسپانوۆ
“AMANAT” پارتياسىنىڭ سايلاۋ قورى قاراجاتى ەسەبىنەن تولەندى.
