«AMANAT» Respýblıkalyq saılaýaldy shtaby músheleriniń óńirlerdegi saılaýshylarmen kezdesýi jalǵasýda. Búgin partııalyqtar Almaty oblysynyń turǵyndarymen júzdesti.
Qonaev qalasyndaǵy Mádenıet úıine 200-ge jýyq turǵyn jınaldy. Olar «AMANAT»-tyń ózekti máselelerdi qalaı sheshýdi kózdep otyrǵanyn partııalyqtardyń óz aýyzynan estidi.
«Bul saılaýda «AMANAT» partııasynan úmitkerlerdiń tizimi 75%-ǵa jańardy. Bizdiń qatarymyzda naqty bir aımaqtyń ereksheligin jaqsy biletin jáne túrli salada qyzmet etip júrgen bedeldi azamattar bar. Partııanyń «Halyqpen birge!» saılaýaldy baǵdarlamasy – búge-shigesine deıin eseptelgen jáne júzege asatyn qujat. Iaǵnı, biz tyńǵylyqty daıyndaldyq jáne halyqpen birge alǵa qoıǵan maqsattarǵa qol jetkizetinimizge senimdimiz», - dedi «AMANAT» Tóraǵasy Erlan Qoshanov.
Ol Almaty oblysy halqynyń 85%-y aýyldyq jerde turatynyn atap ótti. Sondyqtan partııa Úkimetpen birlesip iske qosqan «Aýyl amanaty» jobasy olar úshin erekshe ózekti. Jobany júzege asyrýǵa 1 trıllıon teńge qarastyrylǵan. Aýyl turǵyndaryna mal ósirýge, óz isin ashýǵa jyldyq 2,5% nesıe beriledi.
Qarapaıym aýyl turǵyndary úshin jaıylym máselesi ótkir kúıinde qalyp otyr. Osyǵan baılanysty partııa janynan «Jer amanaty» komıssııasy jumys isteıdi. Ótken jyly komıssııanyń aralasýymen paıdalanylmaı jatqan 5 mln gektar jer memleket menshigine qaıtaryldy. Bıyl taǵy 5 mln gektar jerdi qaıtarý josparlanyp otyr.
Óńirde jastar arasyndaǵy jumyssyzdyq, mektep pen densaýlyq saqtaý nysandarynyń tapshylyǵy sııaqty basqa da mańyzdy máseleler bar.
Aldaǵy bes jylda partııa óńirde keminde 175 myń jumys ornyn ashýǵa, 63 mektep pen 58 densaýlyq saqtaý nysanyn salýǵa yqpal etedi.
«Oblystaǵy medıına nysandary 40%-ǵa eskirgen, mamandar tapshy. Mundaı problemalar eldiń barlyq aımaǵynda bar. Aldaǵy bes jylda biz barlyq densaýlyq saqtaý uıymyndaǵy zamanaýı jabdyqtardyń úlesin 70%-ǵa deıin jetkizýdi josparlap otyrmyz. Aýyldaǵy jas mamandarǵa kóterme járdemaqyny 10 mıllıon teńgege deıin arttyrý qamtamasyz etiledi. Bul maman tapshylyǵy máselesin sheshýge múmkindik beredi», - dep atap ótti Erlan Qoshanov.
Sonymen qatar, partııanyń saılaýaldy baǵdarlamasynda shalǵaıdaǵy jáne shekaralas eldi mekenderdi damytýǵa erekshe nazar aýdaryldy. Mysaly, Almaty oblysyndaǵy taýly aýdandardyń turǵyndaryn gazdandyrý máselesi tolǵandyrady. Ony sheshý úshin partııa 147 eldi mekendi qamtıtyn «Shelek-Kegen» magıstraldyq gaz qubyrynyń qurylysyn júrgizýge yqpal etedi.
"Adyrna" ulttyq portaly
Daıyndaǵan: "AMANAT" partııasynyń baspasóz qyzmeti
Tapsyrys berýshi: M.J. Ospanov
“AMANAT” partııasynyń saılaý qory qarajaty esebinen tólendi.
