اقتوبە وبلىسىنداعى شالقار قالاسىنىڭ ماڭىندا مەكتەپ وقۋشىلارىنىڭ جول اپاتىنا ءتۇسىپ، ءبىر ءجاسوسپىرىم قازا تاپتى. بۇل تۋرالى “دياپازون” باسىلىمى جاريالادى، دەپ حابارلايدى “ادىرنا” ۇلتتىق پورتالى.
مالىمەت بويىنشا، جول-كولىك وقيعاسى 4 ناۋرىز كۇنى كەشكە 20:55 شاماسىندا شالقار-بازوي تاس جولىنىڭ 4-ءشى شاقىرىمىندا بولعان. 9-سىنىپ وقۋشىسى Toyota Land Cruiser كولىگىن جۇرگىزىپ كەلە جاتىپ، رولگە يە بولا الماي، اۋدارىلىپ كەتكەن. وقيعا سالدارىنان كامەلەتكە تولماعان ءبىر بالا وقيعا ورنىندا كوز جۇمدى. تاعى ءتورت ادام جاراقاتپەن شالقار اۋداندىق اۋرۋحاناسىنا جەتكىزىلدى.
"16 جاسار قىز كومادا جاتىر، دياگنوزى: باس ميىنىڭ اشىق جاراقاتى، مي ىشىلىك قان قۇيىلۋ جانە باس ميىنىڭ ءىسىنۋى. جاعدايى وتە اۋىر. 15 جاسار ءجاسوسپىرىمنىڭ جامباس سۇيەگىنىڭ تومەنگى بولىگى سىنعان. ەكى بالا دا اقتوبەدەگى وبلىستىق بالالار اۋرۋحاناسىنا جىبەرىلدى. تەكسەرۋدەن كەيىن 15 جاستاعى تاعى ءبىر بالا امبۋلاتوريالىق ەمدەلۋگە جىبەرىلدى: ونىڭ اياق-قولدارى كوگەرىپ، سىرىلعان", - دەپ حابارلادى وبلىستىق دەنساۋلىق ساقتاۋ باسقارماسىندا.
باسىلىمنىڭ مالىمەتىنشە، بالالار – شالقار قالاسىنداعى №8 مەكتەپتىڭ وقۋشىلارى. الايدا وبلىستىق ءبىلىم باسقارماسى ازىرگە ەشقانداي تۇسىنىكتەمە بەرگەن جوق.
ال پوليتسەيلەر بالالاردىڭ كولىك جۇرگىزۋىنە رۇقسات بەرمەۋدى سۇرايدى.
