فوتو: Zakon.kz
الماتىدا 7 شىلدەگە قاراعان ءتۇنى سەيفۋللين داڭعىلى مەن نيكيتين كوشەسىنىڭ قيىلىسىندا جول اپاتى بولدى، دەپ حابارلايدى "ادىرنا" ءتىلشىسى Zakon-عا سىلتەپ.
الدىن الا مالىمەت بويىنشا، سولتۇستىك باعىتتا كەلە جاتقان BYD ماركالى جەڭىل كولىك نيكيتين كوشەسىنە سولعا بۇرىلعان ساتتە قارسى باعىتتا كەلە جاتقان Honda ماركالى موتوتسيكلمەن سوعىسقان.
سالدارىنان موتوتسيكلدەگى جۇرگىزۋشى مەن جولاۋشى جولعا ۇشىپ كەتكەن. جەڭىل كولىك اپاتتان كەيىن بىردەن توقتاي الماي، جول جيەگىندەگى بورديۋرگە سوعىلعان.
وقيعا سالدارىنان موتوتسيكل جۇرگىزۋشىسى اۋىر جاراقات الىپ، جولاۋشىسىمەن بىرگە اۋرۋحاناعا جەتكىزىلدى. ال جەڭىل كولىك جۇرگىزۋشىسى زارداپ شەككەن جوق.
وقيعانىڭ ءمان-جايىن قۇزىرلى ورگاندار انىقتاپ جاتىر.
ۇقساس جاڭالىقتار
