«AMANAT» پارتياسىنىڭ رەسپۋبليكالىق سايلاۋالدى شتابىنىڭ مۇشەلەرى اتىراۋ وبلىسىندا مۇنايشىلارمەن، كاسىپورىنداردىڭ ەڭبەك ۇجىمدارىمەن جانە شالعايداعى ەلدى مەكەندەردىڭ تۇرعىندارىمەن كەزدەستى، دەپ جازادى "ادىرنا" ۇلتتىق پورتالى.
ماقات اۋدانىنىڭ دوسسور كەنتىندە مۇنايشىلارمەن جانە سالا ارداگەرلەرىمەن كەزدەسۋ ءوتتى. ولاردىڭ ايتۋىنشا، كوپتەگەن كاسىپورىندا، اسىرەسە وزگە ەلدىڭ كاپيتال ۇلەسى بار كومپانيالاردا شەتەلدىك جانە قازاقستاندىق قىزمەتكەرلەردىڭ جالاقىسىن ەسەپتەۋ كەزىندە ءاردايىم تەڭدىك ساقتالا بەرمەيدى.
«كورپوراتسيالاردىڭ ۇستەمە تابىسى قاتارداعى جۇمىسشىلارعا لايىقتى ەڭبەكاقى تولەۋگە باعىتتالۋى ءتيىس. ءبىز بىلىكتىلىگى شەتەلدىكتەرمەن بىردەي قازاقستاندىق ماماندارعا ولارمەن تەڭ ەڭبەكاقى تولەنۋىنە قول جەتكىزەمىز»، - دەپ اتاپ ءوتتى ەرلان قوشانوۆ.
ول اۋداندا 2 مىڭعا جۋىق ادامدى جۇمىس ورىنىمەن قامتاماسىز ەتەتىن گاز وڭدەۋ زاۋىتىن سالۋ جوسپارلانىپ وتىرعانىن اتاپ ءوتتى. سونداي-اق، پارتيا ءىرى ينۆەستورلاردىڭ بيزنەستىڭ الەۋمەتتىك جاۋاپكەرشىلىگى قاعيداتى بويىنشا وبلىستى دامىتۋعا قارجى قۇيۋىن قاداعالايدى.
شتاب مۇشەلەرىنىڭ ايتۋىنشا، مۇنايشىلاردىڭ، گەولوگتاردىڭ، بۇرعىلاۋشىلاردىڭ، ينجەنەرلەردىڭ، تەحنولوگتاردىڭ، باسقا دا مامانداردىڭ جەمىستى جۇمىس ىستەۋىنىڭ ارقاسىندا سالا وتاندىق ەكونوميكانىڭ لوكوموتيۆىنە جانە قازاقستان حالقى ءال-اۋقاتىنىڭ بەرىك ىرگەتاسىنا اينالدى.
بۇدان سوڭ جىلىوي اۋدانىنىڭ جۇرتشىلىعىمەن كەزدەسۋ ءوتىپ، وعان 200-دەن استام ادام قاتىستى. شتاب مۇشەلەرى تۇرعىندارمەن پارتيانىڭ سايلاۋالدى باعدارلاماسىنداعى كوممۋنالدىق، الەۋمەتتىك ينفراقۇرىلىمدى جاڭارتۋ جانە ەكولوگيالىق جاعدايدى جاقسارتۋ شارالارىن تالقىلادى.
اتاپ ايتقاندا، اتىراۋ وبلىسى بويىنشا سايلاۋالدى ۋادەلەر اياسىندا 400 شاقىرىمنان استام اۆتوموبيل جولىن سالۋ، 20 مەديتسينالىق نىسان تۇرعىزۋ جانە وبلىستىڭ بارلىق اۋىلىن اۋىز سۋمەن قامتاماسىز ەتۋ جوسپارلانۋدا.
سونداي-اق، مۇناي سەرۆيسى سالاسىنىڭ كاسىپكەرلەرىمەن كەزدەسۋ ءوتتى. ونىڭ بارىسىندا وتاندىق مامانداردى دايارلاۋ، قازاقستاندىق تاسىمالداۋشىلاردى قارجىلاي قولداۋ، ساتىپ الۋ جانە باسقا دا ماسەلەلەر تالقىلاندى.
وسى كۇنى «AMANAT» پارتياسىنىڭ توراعاسى ەرلان قوشانوۆ قۇلسارى قالاسىنداعى تۇرعىنداردىڭ باسپانا جاعدايىمەن جەكە تانىستى. قازىرگى ۋاقىتتا قالادا 130-عا جۋىق ءۇيدىڭ توزىعى جەتكەن، ولاردىڭ اراسىندا اپاتتىق جاعدايداعى ۇيلەر دە بار. پارتيانىڭ سايلاۋالدى باعدارلاماسى اياسىندا 2027 جىلعا دەيىن وڭىردە 3,5 ملن. شارشى مەتر تۇرعىن ءۇي سالىنىپ، اپاتتى ۇيلەردىڭ تۇرعىندارى جاڭا باسپاناعا قول جەتكىزەدى.
دايىنداعان: "AMANAT" پارتياسىنىڭ ءباسپاسوز قىزمەتى
تاپسىرىس بەرۋشى: م.ج. وسپانوۆ
“AMANAT” پارتياسىنىڭ سايلاۋ قورى قاراجاتى ەسەبىنەن تولەندى.
