«AMANAT» partııasynyń Respýblıkalyq saılaýaldy shtabynyń músheleri Atyraý oblysynda munaıshylarmen, kásiporyndardyń eńbek ujymdarymen jáne shalǵaıdaǵy eldi mekenderdiń turǵyndarymen kezdesti, dep jazady "Adyrna" ulttyq portaly.
Maqat aýdanynyń Dossor kentinde munaıshylarmen jáne sala ardagerlerimen kezdesý ótti. Olardyń aıtýynsha, kóptegen kásiporynda, ásirese ózge eldiń kapıtal úlesi bar kompanııalarda sheteldik jáne qazaqstandyq qyzmetkerlerdiń jalaqysyn esepteý kezinde árdaıym teńdik saqtala bermeıdi.
«Korporaııalardyń ústeme tabysy qatardaǵy jumysshylarǵa laıyqty eńbekaqy tóleýge baǵyttalýy tıis. Biz biliktiligi sheteldiktermen birdeı qazaqstandyq mamandarǵa olarmen teń eńbekaqy tólenýine qol jetkizemiz», - dep atap ótti Erlan Qoshanov.
Ol aýdanda 2 myńǵa jýyq adamdy jumys orynymen qamtamasyz etetin gaz óńdeý zaýytyn salý josparlanyp otyrǵanyn atap ótti. Sondaı-aq, partııa iri ınvestorlardyń bıznestiń áleýmettik jaýapkershiligi qaǵıdaty boıynsha oblysty damytýǵa qarjy quıýyn qadaǵalaıdy.
Shtab músheleriniń aıtýynsha, munaıshylardyń, geologtardyń, burǵylaýshylardyń, ınjenerlerdiń, tehnologtardyń, basqa da mamandardyń jemisti jumys isteýiniń arqasynda sala otandyq ekonomıkanyń lokomotıvine jáne Qazaqstan halqy ál-aýqatynyń berik irgetasyna aınaldy.
Budan soń Jylyoı aýdanynyń jurtshylyǵymen kezdesý ótip, oǵan 200-den astam adam qatysty. Shtab músheleri turǵyndarmen partııanyń saılaýaldy baǵdarlamasyndaǵy kommýnaldyq, áleýmettik ınfraqurylymdy jańartý jáne ekologııalyq jaǵdaıdy jaqsartý sharalaryn talqylady.
Atap aıtqanda, Atyraý oblysy boıynsha saılaýaldy ýádeler aıasynda 400 shaqyrymnan astam avtomobıl jolyn salý, 20 medıınalyq nysan turǵyzý jáne oblystyń barlyq aýylyn aýyz sýmen qamtamasyz etý josparlanýda.
Sondaı-aq, munaı servısi salasynyń kásipkerlerimen kezdesý ótti. Onyń barysynda otandyq mamandardy daıarlaý, qazaqstandyq tasymaldaýshylardy qarjylaı qoldaý, satyp alý jáne basqa da máseleler talqylandy.
Osy kúni «AMANAT» partııasynyń Tóraǵasy Erlan Qoshanov Qulsary qalasyndaǵy turǵyndardyń baspana jaǵdaıymen jeke tanysty. Qazirgi ýaqytta qalada 130-ǵa jýyq úıdiń tozyǵy jetken, olardyń arasynda apattyq jaǵdaıdaǵy úıler de bar. Partııanyń saılaýaldy baǵdarlamasy aıasynda 2027 jylǵa deıin óńirde 3,5 mln. sharshy metr turǵyn úı salynyp, apatty úılerdiń turǵyndary jańa baspanaǵa qol jetkizedi.
Daıyndaǵan: "AMANAT" partııasynyń baspasóz qyzmeti
Tapsyrys berýshi: M.J. Ospanov
“AMANAT” partııasynyń saılaý qory qarajaty esebinen tólendi.
