اقمولا پوليتسەيلەرى حابار-وشارسىز كەتكەن جىلاندى كەنتىنىڭ تۇرعىنىن ىزدەستىرىپ جاتىر. مالىمەتتەرگە ساي ەر ادام پسيحياتردىڭ ەسەبىندە تۇرعان دەپ حابارلايدى. بۇل تۋرالى Polisia.kz جاريالادى، دەپ حابارلايدى “ادىرنا” ۇلتتىق پورتالى.
سادۋاقاسوۆ مەيرامبەك سادىبەكۇلى 18 اقپاندا ۇيىنەن كەتىپ، ورالماعان. 23 اقپاندا ساندىقتاۋ اۋدانى پب-ءنىڭ ۋچاسكەلىك ينسپەكتورىنا جىلاندى كەنتىنىڭ تۇرعىنى ونى ىزدەۋگە جاردەم كورسەتۋ تۋرالى ءوتىنىش بىلدىرگەن.مالىمەتتەرگە ساي ەر ادام پسيحياتردىڭ ەسەبىندە تۇر. بۇعان دەيىن بىرنەشە رەت ۇيدەن كەتىپ قالعان ەكەن.
تۇرعىننىڭ بەلگىلەرى بويىنشا بويى 160-165 سم، كوزدەرى قوڭىر، شاشى قىسقا قارا، اق شاشتارى بار. باسىندا قارا سپورتتىق باس كيىم، ۇستىندە جارىق شاعىلىستىراتىن جولاقتى بار سۇر ءتۇستى كۇرتە، قارا ءتۇستى جىلى شالبار، قىسقى قارا اياق كيىم بولعان.
“جەدەل-ىزدەستىرۋ ءىس-شارالارىنا اۋداندىق پب-ءنىڭ 12 قىزمەتكەرى جۇمىلدىرىلدى، قاردا جۇرەتىن 3 كولىك، 4 بىرلىك قىزمەتتىك اۆتوكولىك ءبولىندى. ىزدەۋگە 30-عا جۋىق جەرگىلىكتى تۇرعىندار، سونداي-اق ەرىكتىلەر قوسىلدى”، – دەدى ۆەدومستۆو حابارلاماسىندا.
م.س.سادۋاقاسوۆتىڭ ورنالاسقان جەرى تۋرالى اقپاراتقا يە ادامداردىڭ بارلىعىنان 8-771-297-95-58, 8(71640)9-22-87 نەمەسە 102 تەلەفوندارى بويىنشا حابارلاۋدى سۇرايمىز.
