الەۋمەتتىك جەلىدە پەتروپاۆل قالاسىندا 2 ايەل مەن ەر ادامنىڭ اراسىندا تۋىنداعان كيكىلجىڭنىڭ ۆيدەوسى تارالى، دەپ حابارلايدى “ادىرنا” ۇلتتىق پورتالى.
ۆيدەودا ەكى ايەل ەر ادامعا پەتروپاۆل قالاسى رەسەيگە قاراستى اۋماق ەكەنىن تۇسىندىرگەن. ولاردىڭ ءبىرى قازاق ءتىلىن بىلۋگە مىندەتتى ەمەس ەكەنىن، زاڭدا ونداي تالاپ بەكىتىلمەگەنىن العا تارتسا، ەكىنشىسى پەتروپاۆل رەسەيدىڭ گۋبەرنياسى ەكەنىن ايتىپ، ەر ادامنىڭ قالادان كەتۋىن تالاپ ەتكەن.
مۇندا پەتر مەن پاۆەلدىڭ قامالى بولعان، «قىزىلجار» دەگەندى قايدان الدىڭ؟ تاريحتى بىلەسىڭ بە؟ – دەپ سوكتى ايەلدەردىڭ ءبىرى.
وعان ەر ادام قالانىڭ بۇرىنعى اتاۋى «قىزىلجار» ەكەنىن، بولاشاقتا دا سولاي بولاتىنىن ايتىپ تۇسىندىرمەك بولدى.
جەلىدە پىكىر بىلدىرۋشىلەردىڭ باسىم بولىگى ەلدى ارانداتىپ، دۇرلىكتىرىپ جۇرگەن بەينەجازبا اۆتورلارىن تاۋىپ، جازالاۋ كەرەگىن ايتسا، كەيبىرى قالانىڭ اتاۋىن جاقىن ارادا قازاقشاعا اۋىستىرماسا، سەپاراتيستىك پيعىلداعى ازاماتتاردىڭ كوبەيەتىنىن ايتتى.
