Aqmola polıeıleri habar-osharsyz ketken Jylandy kentiniń turǵynyn izdestirip jatyr. Málimetterge saı er adam psıhıatrdyń esebinde turǵan dep habarlaıdy. Bul týraly Polisia.kz jarııalady, dep habarlaıdy “Adyrna” ulttyq portaly.
Sádýaqasov Meırambek Sádibekuly 18 aqpanda úıinen ketip, oralmaǵan. 23 aqpanda Sandyqtaý aýdany PB-niń ýchaskelik ınspektoryna Jylandy kentiniń turǵyny ony izdeýge járdem kórsetý týraly ótinish bildirgen.Málimetterge saı er adam psıhıatrdyń esebinde tur. Buǵan deıin birneshe ret úıden ketip qalǵan eken.
Turǵynnyń belgileri boıynsha boıy 160-165 sm, kózderi qońyr, shashy qysqa qara, aq shashtary bar. Basynda qara sporttyq bas kıim, ústinde jaryq shaǵylystyratyn jolaqty bar sur tústi kúrte, qara tústi jyly shalbar, qysqy qara aıaq kıim bolǵan.
“Jedel-izdestirý is-sharalaryna aýdandyq PB-niń 12 qyzmetkeri jumyldyryldy, qarda júretin 3 kólik, 4 birlik qyzmettik avtokólik bólindi. Izdeýge 30-ǵa jýyq jergilikti turǵyndar, sondaı-aq eriktiler qosyldy”, – dedi vedomstvo habarlamasynda.
M.S.Sádýaqasovtyń ornalasqan jeri týraly aqparatqa ıe adamdardyń barlyǵynan 8-771-297-95-58, 8(71640)9-22-87 nemese 102 telefondary boıynsha habarlaýdy suraımyz.
