"مارت" ساۋدا ءۇيى قازاقتىڭ ۇلتتىق كيىمىن كيگەن انالارىمىزدى سىرتقا قۋىپ، حالىقتىڭ كارىنە ۇشىرادى

5737
Adyrna.kz Telegram
قازاقتىڭ ۇلتتىق كيىمىن كيىپ، كيمەشەگىمەن الىستان كوز تارتقان اسىل انالارىمىزدى سىرتقا قۋعان "مارت" ساۋدا ءۇشى حالىقتىڭ قاھارىنا ۇشىرادى. ەرەكشە سۇلۋلىققا شومىپ، الەمىش ويۋ، ورنەكتى قامزولىمەن اينالاسىن ايرىقشا نۇرلاندىرعان اق جاۋلىقتىلارىمىز كىمگە جاقپاي قالدى؟ ۇلتتىق قۇندىلىقتارىمىزعا قارسى كەلگەندەر جايلى "ادىرنا" ۇلتتىق پورتالى جازدى. 
سوراقى جاعداي جايلى قوعام بەلسەندىلەرى جازدى. وسپادار وقيعاعا قاتىستى بەلسەندى اقجول ساتتىلىك:
- مىنانداي ماسقارانى كورگەندە قانىڭ باسىڭا شىعىپ،دەمىڭ تارىلادى ەكەن.!؟
سورلىلىق پەن ناداندىق جايلاعان ولكەدە.
ۇلتتىق كيىمنەن، كيمەشەك پەن اق جاۋلىقتان قورقىققان قانداي بەيشارالار.
بۇل باسسىزدىقتىڭ ارتىندا كىم تۇر؟
لگبت، اناۋ -مىنا شەرۋ جاساپ، وزدەرىن ەركىن جارنامالاپ جاتقان قوعامدا، كيمەشەك كيۋگە ورىن جوق بولعانى ما؟
اق كيمەشەكتى اجەسى بار، اق جاۋلىقتى اناسى بار،كوزى اشىق،ادال ءسۇت ەمگەن ارقايسىڭىز مىنا ناداندىقتىڭ جانىنان كوز جۇمىپ، وتپەسسىزدەر دەپ ويلايمىن.
ۇلكەن رەزونانس تۋدىرىپ، بۇل ماسەلەنى بۇلاي قالدىرماۋعا تىرىسايىق!
بولىسىڭىزلەر،تاراتىڭىزدار، پىكىر جازىڭىزدار،لەنتادا كوپ اينالسىن!
جاۋاپتى ادامدار،مىڭقىلداپ، مۇرنىنىڭ استىنان سويلەپ كەشىرىم سۇراپ قۇتىلماسىن.
"مارت" ساۋدا ۇيلەرى جەلىسىنە ۇلكەن بايكوت!
ساۋدا ءۋيىنىڭ باسشىلىعىن سوتقا بەرۋدى تالاپ ەتەمىن!
مەنىڭ ەلىمدە،مەنىڭ ۇلتتىق قۇندىلىقتارىم،ادەت عۇرپىم،سالت-ساناسام،ءتىلىم ەڭ ءبىرىنشى تۇرۋى كەرەك!
باسقالاي بولۋى مۋمكىن ەمەس! - دەدى اشۋىنا مىنگەن ازامات.
وقىرماندار بۇعان قاتىستى ءتۇرلى كوزقاراسپەن ەرەكشەلەندى. ماسەلەن:
"مەنىڭ تۇسىنىگىم بويىنشا، كۇزەتتەگى ازاماتتىڭ توپتانىپ ءجۇرۋ استارىندا شەرۋلىك گاپ رەتىندە تۇسىنىك ەسكەرتۋ مە دەپ ويلايمىن";
"انىعىن ءبىلىپ بارىپ بۇل كورىنىسكە كوز جەتكىزۋ. ەش جەردە ۇلتتىق كيىمگە نارازىلىق بىلدىرمەيدى، سەبەبى ءار ادامنىڭ ءوز قالاۋى. قازىرگى كەزدە ورامال تارتۋعا كوز قاراسىمىز نىعايىپ كەلە جاتىر. ولدا ءبىر العا ۇمتىلىس. مەندە ءبىر ءوتىنىش، قازاق كيمەشەگىن كيۋ ادەمى، ارينە، اتىنا زاتى سايكەس بولسا، ءتىلىمىز، سويلەۋ مانەرىمىز وزگەرسە ۇستىمىزدەگى قازاق كيمەشەك ءتىلىمىز ورىس تىڭداپ كورىڭىزدەر";
"باستىقتارىن كوزىنە كوك شىبىن ۇيمەلەتۋ كەرەك. ابدەن باسىنىپ بولدى عوي يتتەر. نامىسى بار قازاق بۇل ساۋدا ۇيىنەن ساۋدا جاساماسىن! بويكوت "مارت" ساۋدا ۇيىنە!"
"ساۋاتتى، نامىسقوي، اناسىنىڭ ءسۇتىن ادال ەمگەن زاڭگەرلەر بۇل ءىستى سوتقا بەرۋ كەرەك! تيىم بولماسا، ۋشىعىپ كەتەدى!";
"بوسقا ەلدى شۋلاتۋ. ءان ايتۋعا كەلگەن بە، بىردەڭە عوي. ۇلتتىق كيىمدى كيگەن سوڭ داۋدىراماي ادەمى، يبالى، ناعىز تازا قازاقتىڭ اجەسى بولىپ جۇرسەڭ، ەشكىم ولارعا ەشتەڭە دەمەيدى عوي... وزدەرى شۋىلداپ، جامىراپ ەرسى ءجۇر عوي، اجەگە ۇقسامايدى. كوپشىلىك ورىندا ءوزىن ۇستاۋ مادەنيەتى قايدا؟" دەپ جازدى وقىرماندار.
"ادىرنا" ۇلتتىق پورتالى 
پىكىرلەر