قازاقستاننىڭ بۇرىنعى پرەزيدەنتى نۇرسۇلتان نازارباەۆ وزبەكستانعا باردى، دەپ حابارلايدى "ادىرنا" ۇلتتىق پورتالى.
ەكس-پرەزيدەنت ەلدىڭ تاريحي-مادەني كورىكتى جەرلەرىمەن تانىسۋ ءۇشىن بۇحارا قالاسىنا بارعان. ال ساپار بارىسىندا نازارباەۆ وزبەكستان پرەزيدەنتى شاۆكات ميرزيەەۆپەن بەيرەسمي كەزدەستى. بۇل كەزدەسۋ ميرزيەەۆتىڭ اتالعان وبلىستاعى الەۋمەتتىك-ەكونوميكالىق دامۋ ماسەلەلەرىنە ارنالعان جۇمىس ساپارىمەن تۇسپا-تۇس كەلگەن.
بۇرىنعى پرەزيدەنت نازارباەۆ پەن وزبەكستان باسشىسى شاۆكات ميرزيەەۆ بۇحارانىڭ بىرقاتار ماڭىزدى دا كورىكتى جەرىن ارالادى. ولار قالانىڭ مادەني-تاريحي مۇراسىن تالقىلاپ، ونىڭ وزبەكستان ءۇشىن عانا ەمەس، بۇكىل ءوڭىر ءۇشىن ماڭىزدىلىعىن اتاپ ءوتتى.
ەسكە سالا كەتەيىك، بۇعان دەيىن ەكس-باسشى ءباا جۇرگەنىندە كوزگە تۇسكەن ەدى.
