اقتاۋدا وقۋشىعا داۋىس كوتەرىپ، دورەكى سويلەگەن مۇعالىمگە سوگىس جاريالاندى. بۇل تۋرالى ماڭعىستاۋ وبلىستىق ءبىلىم باسقارماسىنىڭ ءباسپاسوز قىزمەتى جاريالادى، دەپ حابارلايدى “ادىرنا” ۇلتتىق پورتالى.
اقتاۋداعى №1 مەكتەپتە ۇستازدىڭ وقۋشىعا داۋىس كوتەرىپ سويلەپ جاتقان ۆيدەوسى الەۋمەتتىك جەلىدە تاراعاننان كەيىن ماڭعىستاۋ وبلىستىق ءبىلىم باسقارماسى قىزمەتتىك تەكسەرۋ جۇرگىزدى.
ۆيدەوداعى ەر ادام ماتەماتيكا ءپانىنىڭ پەداگوگى رەتىندە 2018 جىلدىڭ 8 قاڭتارىندا جۇمىسقا قابىلدانعان.
اتالعان وقيعا بويىنشا جينالىس ءوتتى. مۇعالىم كىناسىن مويىنداپ، اتا-انالاردان كەشىرىم سۇرادى. قازاقستان رەسپۋبليكاسى ەڭبەك كودەكسىنىڭ 64-بابى 2-تارماعىنا سايكەس مۇعالىمگە «سوگىس»، باقىلاۋدى السىرەتكەنى ءۇشىن مەكتەپ ديرەكتورىنا «ەسكەرتۋ» جاريالاندى، – دەپ ءمالىم ەتتى ماڭعىستاۋ وبلىستىق ءبىلىم باسقارماسىنىڭ ءباسپاسوز قىزمەتىنەن.مۇنداي جاعدايلار قايتالانباۋ ءۇشىن ءوڭىردىڭ ءبىلىم بەرۋ ۇيىمدارىنا قاتاڭ ەسكەرتۋ جىبەرىلدى.
ۇقساس جاڭالىقتار
