قازاقستاننىڭ بايقوڭىر قالاسىندا رەسەي بيلىگى جەرگىلىكتى تۇرعىندارعا رەسەي تولقۇجاتىن تاراتىپ جاتىر. بۇل تۋرالى اقپاراتتى MAITANOV_online تەلەگرام ارناسىنا وقىرمان جىبەرگەن، دەپ حابارلايدى “ادىرنا” ۇلتتىق پورتالى.
اقپارات بويىنشا، الماتىداعى رەسەي ەلشىلىگى بايقوڭىر تۇرعىندارىنىڭ ازاماتتىعىن وزگەرتۋ تۋرالى وتىنىشتەرىن قابىلداعالى جاتىر. سونداي-اق، رەسەي ازاماتتىعىن العان قازاقستاندىقتاردىڭ ءتىزىمى بار ەكەنى حابارلاندى.
“رەسەي فەدەراتسياسىنىڭ الماتىداعى كونسۋلدىعى بايقوڭىر قالاسىنىڭ تۇرعىندارىنان اتا-اناسىنىڭ ءبىرى رەسەي ازاماتى، ەكىنشىسى شەتەل ازاماتى بولىپ تابىلاتىن بالالاردى رەسەي ازاماتتىعىنا قابىلداۋ تۋرالى وتىنىشتەرىن قابىلدايدى. قازىردىڭ وزىندە رەسەي ازاماتتىعىنا قابىلدانعان قازاقتاردىڭ اتى-ءجونىنىڭ ءتىزىمى بار. رەسەي بيلىگىنىڭ مۇنداي ارەكەتتەرى قازاقستاننىڭ ۇلتتىق قاۋىپسىزدىگىنە قاتەر توندىرەدى جانە بايقوڭىردا نەمەسە ەلدىڭ باسقا ايماقتارىندا (شىعىس ۋكرايناداعى دحر/لپر دەپ اتالاتىن) سەپاراتيزمنىڭ العىشارتتارىنىڭ تۋىنداۋ قاۋپىن تۋدىرادى دەپ ەسەپتەيمىن”، دەپ جازىلعان تەلەگرام ارناسىندا.
