قر سىرتقى ىستەر مينيسترلىگى يرانداعى جاعدايعا بايلانىستى قازاقستاندىقتار اراسىندا زارداپ شەككەندەر جوق ەكەنىن مالىمدەدى، دەپ حابارلايدى "ادىرنا" ۇلتتىق پورتالى.
ۆەدومستۆونىڭ مالىمەتىنشە، قازىرگى ۋاقىتتا يران اۋماعىندا قازاقستاننىڭ 96 ازاماتى بار.
ونىڭ ىشىندە 18-ءى – ديپلوماتيالىق وكىلدىكتەردىڭ قىزمەتكەرلەرى، ەكەۋى – ستۋدەنت، 70 ازامات «زاركۋح» زاۋىتىندا ەڭبەك ەتەدى. تاعى التى قازاقستاندىق يراندا جەكە شارۋالارىمەن ءجۇر.
ءسىم مەن شەتەلدەگى مەكەمەلەر يرانداعى قازاقستاندىقتارمەن تۇراقتى بايلانىستا. قازىرگى ۋاقىتقا دەيىن قازاقستان ازاماتتارىنىڭ زارداپ شەككەنى تۋرالى اقپارات تۇسكەن جوق.
بۇعان دەيىن مينيسترلىك يراندا جۇرگەن قازاقستاندىقتار مەن ولاردىڭ قازاقستانداعى تۋىستارى ءۇشىن جەدەل بايلانىس جەلىلەرى اشىلعانىن حابارلاعان.
ۇقساس جاڭالىقتار
