Qazaqstannyń Baıqońyr qalasynda Reseı bıligi jergilikti turǵyndarǵa Reseı tólqujatyn taratyp jatyr. Bul týraly aqparatty MAITANOV_online telegram arnasyna oqyrman jibergen, dep habarlaıdy “Adyrna” ulttyq portaly.
Aqparat boıynsha, Almatydaǵy Reseı elshiligi Baıqońyr turǵyndarynyń azamattyǵyn ózgertý týraly ótinishterin qabyldaǵaly jatyr. Sondaı-aq, Reseı azamattyǵyn alǵan qazaqstandyqtardyń tizimi bar ekeni habarlandy.
“Reseı Federaııasynyń Almatydaǵy konsýldyǵy Baıqońyr qalasynyń turǵyndarynan ata-anasynyń biri Reseı azamaty, ekinshisi shetel azamaty bolyp tabylatyn balalardy Reseı azamattyǵyna qabyldaý týraly ótinishterin qabyldaıdy. Qazirdiń ózinde Reseı azamattyǵyna qabyldanǵan qazaqtardyń aty-jóniniń tizimi bar. Reseı bıliginiń mundaı áreketteri Qazaqstannyń ulttyq qaýipsizdigine qater tóndiredi jáne Baıqońyrda nemese eldiń basqa aımaqtarynda (Shyǵys Ýkraınadaǵy DHR/LPR dep atalatyn) separatızmniń alǵysharttarynyń týyndaý qaýpin týdyrady dep esepteımin”, dep jazylǵan telegram arnasynda.
