2023 جىلدىڭ ناۋرىزىنان باستاپ جاستارعا ارنالعان 2,5%-دىق نەسيە بەرىلەدى. بۇل تۋرالى ەڭبەك جانە حالىقتى الەۋمەتتىك قورعاۋ ءبىرىنشى ۆيتسە-ءمينيسترى اقمادي سارباسوۆ ايتتى، دەپ حابارلايدى “ادىرنا” ۇلتتىق پورتالى.
"ەڭبەك جانە حالىقتى الەۋمەتتىك قورعاۋ مينيسترلىگى (كرەديتكە – اۆتور) ەرەجەلەردى تولىق دايىندادىق. بۇيرىقتار شىقتى. ادىلەت مينيسترلىگىنەن تىركەۋدەن ءوتتى. قازىر جاستارعا ارنالعان 2,5%-دىق نەسيەگە ءبىز جاۋاپ بەرەمىز. الايدا 2,5%-دىق نەسيە اۋىل شارۋاشىلىعى مينيسترلىگى دە دە بار. ءبىز بۇل ماسەلەگە قاتىستى تولىق شەشىم قابىلدادىق", – دەدى ەڭبەك جانە حالىقتى الەۋمەتتىك قورعاۋ ءبىرىنشى ۆيتسە-ءمينيسترى اقمادي سارباسوۆ سەنات وتىرىسىنان كەيىن تىلشىلەردىڭ سۇراعىنا جاۋاپ بەرە وتىرىپ.
ودان بولەك، ۆيتسە-مينيستر اقپاندا ءتيىستى كەلىسىمدەرگە قول قويىلاتىنىن ايتتى.
“ونىڭ مەرزىمى بار. وسى ايدا جەرگىلىكتى اتقارۋشى ورگاندارى جانە قارجى مينيسترلىگىمەن كرەديتتىك كەلىسىمگە قول قويامىز. كەلەسى ايدان باستاپ كرەديت بەرۋدى باستايمىز. ەشقانداي پروبلەما جوق. 2,5%-دىق نەسيە 5 ملن تەڭگەگە دەيىن بەرىلەدى”، - دەدى ەڭبەك جانە حالىقتى الەۋمەتتىك قورعاۋ ءبىرىنشى ۆيتسە-ءمينيسترى اقمادي سارباسوۆ.
ەسكە سالا كەتەيىك، بىلتىر پرەزيدەنت 1 قىركۇيەكتەگى جولداۋىندا جاستار كاسىپكەرلىگىن دامىتۋ ءۇشىن جىلدىق 2,5% جەڭىلدىكپەن ميكروكرەديت بەرۋدى تاپسىرعان ەدى.
