كوكتەمگى ساناققا سەنسەك، قازاقستاندا كيىك سانى 4 ميلليونعا جۋىقتاعان. كيىك پوپۋلياتسياسىن رەتتەۋ ءۇشىن ەكولوگيا مينيسترلىگى شامامەن 800 مىڭ كيىكتى اتۋى مۇمكىن. بۇل تۋرالى بۇگىن ۇكىمەت وتىرىسىنان كەيىنگى بريفينگتە ەكولوگيا جانە تابيعي رەسۋرستار ءمينيسترى ەرلان نىسانباەۆ مالىمدەدى، دەپ حابارلايدى "ادىرنا".
ونىڭ ايتۋىنشا، كيىك پوپۋلياتسياسىن رەتتەۋگە قاتىستى عىلىمي نەگىزدەمە دايىن تۇر، تەك ءىس-ارەكەتتەردى ۇيىمداستىرۋ قالعان. ناقتى نەشە اقبوكەننىڭ اتىلاتىنى تۋرالى ناقتى مالىمەت بىرنەشە كۇندە شىعادى.
«وسى عىلىمي نەگىزدەمەدەگى عالىمداردىڭ ۇسىنىسىنا ساي، بۇكىل پوپۋلياتسيانىڭ 20 پايىزى رەتتەۋگە جاتادى. كوكتەمگى ساناقتا قازاقستانداعى اقبوكەندەردىڭ سانى 3 ميلليون 900 مىڭ بولعان، ونىڭ ىشىندە 2 ميلليون 300 مىڭى – ورالدا، 1 ميلليون 600 مىڭى – بەتپاقدالادا، 700-800 مىڭداي كيىك – ۇستىرتتە»، - دەدى نىسانباەۆ.
ەكولوگيا مينيسترلىگى قازاقستانداعى كيىكتەردىڭ 40 پايىزى — اتالىق كيىكتەر، 40 پايىزى — انالىق، 20 پايىزى — بيىلعى ءتولى بولۋ كەرەك.
