2023 jyldyń naýryzynan bastap jastarǵa arnalǵan 2,5%-dyq nesıe beriledi. Bul týraly Eńbek jáne halyqty áleýmettik qorǵaý birinshi vıe-mınıstri Aqmádı Sarbasov aıtty, dep habarlaıdy “Adyrna” ulttyq portaly.
"Eńbek jáne halyqty áleýmettik qorǵaý mınıstrligi (kredıtke – avtor) erejelerdi tolyq daıyndadyq. Buıryqtar shyqty. Ádilet mınıstrliginen tirkeýden ótti. Qazir jastarǵa arnalǵan 2,5%-dyq nesıege biz jaýap beremiz. Alaıda 2,5%-dyq nesıe Aýyl sharýashylyǵy mınıstrligi de de bar. Biz bul máselege qatysty tolyq sheshim qabyldadyq", – dedi Eńbek jáne halyqty áleýmettik qorǵaý birinshi vıe-mınıstri Aqmádı Sarbasov senat otyrysynan keıin tilshilerdiń suraǵyna jaýap bere otyryp.
Odan bólek, vıe-mınıstr aqpanda tıisti kelisimderge qol qoıylatynyn aıtty.
“Onyń merzimi bar. Osy aıda jergilikti atqarýshy organdary jáne Qarjy mınıstrligimen kredıttik kelisimge qol qoıamyz. Kelesi aıdan bastap kredıt berýdi bastaımyz. Eshqandaı problema joq. 2,5%-dyq nesıe 5 mln teńgege deıin beriledi”, - dedi Eńbek jáne halyqty áleýmettik qorǵaý birinshi vıe-mınıstri Aqmádı Sarbasov.
Eske sala keteıik, byltyr prezıdent 1 qyrkúıektegi joldaýynda jastar kásipkerligin damytý úshin jyldyq 2,5% jeńildikpen mıkrokredıt berýdi tapsyrǵan edi.
