ەكولوگيا جانە تابيعي رەسۋرستار ءمينيسترى ەرلان نىسانباەۆ ورمانداعى ءورت قاۋىپسىزدىگىن اۋەدەن كۇزەتۋگە بيۋدجەتتەن بولىنگەن قاراجات جەتپەي جاتقانىن مالىمدەپ، ۇكىمەتتەن كومەك سۇرادى، دەپ حابارلايدى “ادىرنا” ۇلتتىق پورتالى.
ءمينيستردىڭ مالىمدەۋىنشە، ورمان شارۋاشىلىقتارىن قامتاماسىز ەتۋگە 2023-2027 جىلدارعا ارنالعان جالپى قارجىلاندىرۋ كولەمى 68 ملرد تەڭگەنى قۇرايدى. بيۋدجەت تاپشىلىعىنا بايلانىستى رەسپۋبليكالىق بيۋدجەتتەن قارجىلاندىرۋ 8,7 ملرد تەڭگەدەن 3,1 ملرد تەڭگەگە دەيىن قىسقارعان.
«ورمان ورتتەرiن انىقتاۋ مەن جويۋدىڭ تيiمدi تاسiلدەرىنىڭ بiرi – ورمانداردى اۆياتسيالىق قورعاۋ بولىپ تابىلادى.مەملەكەتتىك ورمان قورىنىڭ نەعۇرلىم جاناتىن ۋچاسكەلەرىن باقىلاۋ ءۇشiن ۇشۋ ۋاقىتىنىڭ 10453 ساعاتتىق نورماسى بەلگىلەندى. الايدا رەسپۋبليكالىق بيۋدجەتتە قاراستىرىلعان قارجى جەتكىلىكسىز. قۇرمەتتى ولجاس ابايۇلى، وسى ماڭىزدى ماسەلەنى شەشۋگە ىقپال ەتۋىڭىزدى سۇرايمىز»، – دەدى مينيستر ۇكىمەت وتىرىسىندا.
ەرلان نىسانباەۆتىڭ قوسىمشا بەرگەن اقپاراتىنا سەنسەك، بۇل ماقساتقا تاعى 11 ملرد تەڭگە قاجەت.
