شىمكەنتتە قالا اكىمىنىڭ تاپسىرماسىنا وراي، شالعايداعى ەلدى مەكەندەردى ساپالى ينتەرنەتپەن قامتۋ جۇمىستارى جالعاسىپ جاتىر. سونداي جۇمىستاردىڭ ءبىرى ەڭبەكشى اۋدانىنا قاراستى وڭتۇستىك شاعىناۋدانىندا قولعا الىندى. شاعىناۋداندا وپتيكالىق ينتەرنەتپەن قامتۋ جۇمىستارى جەكە ينۆەستور قاراجاتى ەسەبىنەن جۇرگىزىلۋدە. ينۆەستور ەسەبىنەن اتقارىلعان جۇمىس اياقتالسا، 30 مىڭعا جۋىق تۇرعىن ينتەرنەتكە قول جەتكىزەدى.
ءدال قازىرگى ۋاقىتتا «سپەتساۆتوماتيكاسەرۆيس» جشس تاراپىنان شاعىناۋداندا قاجەتتى قۇرىلعىلار ورناتىلىپ، 40 شاقىرىمدى قامتيتىن كوشەگە ابونەنتتىك كابەل جەلىسىن جۇرگىزۋ جۇمىستارى اتقارىلۋدا. جالپى وڭتۇستىك شاعىن اۋدانىندا 6 300-گە جۋىق جەكە سەكتورداعى ۇيلەرگە وپتيكالىق جەلىگە قوسىلۋعا مۇمكىندىك جاسالاتىن بولادى. اتالعان جۇمىستار اياقتالۋعا تاياۋ. سوسىن جوعارعى جىلدامدىقتى ينتەرنەت جەلىسىنە قوسىلۋعا ءوتىنىم تاستاعان تۇرعىنداردى ينتەرنەتكە قوسۋ جۇمىستارى باستالادى.
ايتا كەتەيىك، تۇرعىندار تاراپىنان كەڭجولاقتى ينتەرنەت جەلىسىنە قوسىلۋ قاجەت بولعان جاعدايدا «سپەتساۆتوماتيكاسەرۆيس» كومپانياسىنا +7 705 783 06 80 تەلەفونىنا حابارلاسىپ، ءوتىنىم بەرۋگە بولادى.
