Shymkentte qala ákiminiń tapsyrmasyna oraı, shalǵaıdaǵy eldi mekenderdi sapaly ınternetpen qamtý jumystary jalǵasyp jatyr. Sondaı jumystardyń biri Eńbekshi aýdanyna qarasty Ońtústik shaǵynaýdanynda qolǵa alyndy. Shaǵynaýdanda optıkalyq ınternetpen qamtý jumystary jeke ınvestor qarajaty esebinen júrgizilýde. Investor esebinen atqarylǵan jumys aıaqtalsa, 30 myńǵa jýyq turǵyn ınternetke qol jetkizedi.
Dál qazirgi ýaqytta «SpeavtomatıkaServıs» JShS tarapynan shaǵynaýdanda qajetti qurylǵylar ornatylyp, 40 shaqyrymdy qamtıtyn kóshege abonenttik kabel jelisin júrgizý jumystary atqarylýda. Jalpy Ońtústik shaǵyn aýdanynda 6 300-ge jýyq jeke sektordaǵy úılerge optıkalyq jelige qosylýǵa múmkindik jasalatyn bolady. Atalǵan jumystar aıaqtalýǵa taıaý. Sosyn joǵarǵy jyldamdyqty ınternet jelisine qosylýǵa ótinim tastaǵan turǵyndardy ınternetke qosý jumystary bastalady.
Aıta keteıik, turǵyndar tarapynan keńjolaqty ınternet jelisine qosylý qajet bolǵan jaǵdaıda «SpeavtomatıkaServıs» kompanııasyna +7 705 783 06 80 telefonyna habarlasyp, ótinim berýge bolady.
