“جاڭا قازاقستاندى كوركەيتۋ ءۇشىن اكىمدىككە جاڭالىق الىپ كەلەتىن جاڭا ادامداردى تاعايىنداۋ كەرەك. بۇل تۋرالى اقىن ارمان بەردالين Instagram پاراقشاسىندا جازدى، دەپ حابارلايدى “ادىرنا” ۇلتتىق پورتالى.
“ەكى-ءۇش ايدان سوڭ ەرىپ كەتەتىن مۇزقالالار سالۋعا ميلليونداپ اقشا جۇمساعان اكىمدەردەن اسقان اپەندى كورمەپپىن. ەلگە بەرەتىن اقشانى جەلگە شاشىپ، جەرگە توككەندەر “جاڭا قازاقستاندى” قۇرۋعا كىرىپ تە كەتتى. ساپاسى وزدەرى سالىپ جۇرگەن مۇزقالاداي بولماسا يگى ەدى… “ەسكى قازاقستاندى” كوگەرتپەگەن ەسكى اكىمدەر، “جاڭا قازاقستاندى” جارىلقايتىنىنا سەنبەيمىن! جاڭالىق الىپ كەلەتىن جاڭا ادامداردى تاعايىنداۋ كەرەك!
كەمەلۇلىنىڭ جانىنا كەمەل ادامدار جينالسا عانا ءىسىمىز العا باسادى”،-دەپ جازدى اقىن.
