بەردالى وسپان: ەگەر مەن پرەزيدەنت بولسام № 1

1845
فوتو: time.kz
فوتو: time.kz

ادام دۇنيەگە كەلگەندە اتا-اناسى وعان ەڭ الدىمەن ەسىم بەرەدى. ەسىم ادامعا ۇسىنىلعان بۇكىل ومىرلىك باعىت. 

قازاق ەلىنىڭ تولىققاندى ەگەمەن ەل بولا الماي جاتقانىنىڭ ەڭ باستى سەبەبى بۇگىنگى قازاقتاردىڭ ءوز فاميليالارىن باسقا ەلدىڭ باسىپ-جانشىپ كۇشتەپ ەنگىزگەن تۇرىندە جازۋىندا. سەبەبى اتى وزگەرگەننىڭ ءومىرى دە وزگەرەدى.

باسقىنشى ەلدىڭ باسشىلىعى وسىنى ءبىلىپ جاساعان. باسقىنشى ەل نەگە بۇلاي جاسادى؟ قازاق ەكەنىڭدى ۇمىتتىرۋ ءۇشىن. كسرو تارقاماعاندا قازاق ەلى جوق بولۋعا دايار ەدى.
وسىلاي جاساعان پاتشالىق رەسەيدىڭ باسقىنشىلىق ساياساتى ءالى كۇشىن جويعان جوق.

30 جىل بولدى فاميلياسىن شەت ەلشە جازىپ جۇرگەندەر بۇنى تۇسىنبەي كەلە جاتىر.
30 جىل ءوتتى، وزگەرىس جوق.

مەن پرەزيدەنت بولسام

بۇگىن قازاق ەلىندەگى مەملەكەتتىك قىزمەتتەگى باسشىلاردىڭ بارىنە فاميلياسىنداعى وۆ، وۆا، ەۆ، ەۆا دەگەن شەتەلدىك جالعاۋلارىن وزگەرتۋگە، ناقتى ۋاقىتتى بەلگىلەپ جارلىق بەرەر ەدىم. جانە ولارعا ءوز جانۇيا مۇشەلەرىنىڭ دە فاميلياسىن قازاقشا جازدىرۋعا مىندەتتەر ەدىم.

قازاق ەلىندەگى فاميلياسىن ورىسشا ۇلگىمەن جازىپ جۇرگەن ەلگە بەلگىلى عالىم، ونەر يەلەرىن دە فاميلياسىن قازاق ۇلگىسىندە جازۋعا مىندەتتەر ەدىم.

ەگەر مەنىڭ بۇل بۇيرىعىمدى ورىنداۋدان باس تارتقان لاۋازىم يەلەرى تابىلىپ جاتسا، بىردەن قىزمەتىنەن بوساتار ەدىم. ال عالىمدار مەن ونەر يەلەرى اراسىنان سوندايلار شىعىپ جاتسا بۇكىل مەملەكەتتىك ماراپاتتارىنان ەلگە تەلەديدار، گازەتتەر ارقىلى جاريا تۇردە ايىرار ەدىم.

حالىققا قىزمەت كورسەتۋ ورىندارىندا ۇلتى قازاق ءار ازاماتقا مەملەكەت ەسەبىنەن قازاق ۇلگىسىندەگى تولقۇجاتتى جاساۋعا بۇيرىق بەرەر ەدىم

سوندا قازاق ەلى ۇلكەن وزگەرىسكە جول باستار ەدى.

قازاقتار،
مەنىڭ بۇل پىكىرىمەن كەلىسەسىز بە؟


بەردالى وسپان 

 

پىكىرلەر
ۇقساس جاڭالىقتار
Серіктестер/Партнеры
Студия IMA - создание сайтов Доставка цветов Астана - Lova Buket