شىمكەنت قالاسىنا جۇمىس ساپارىمەن كەلگەن ۇكىمەت باسشىسى ءاليحان سمايىلوۆ يندۋستريالدى ايماقتاردى ارالاپ، ونداعى ءوندىرىس ورىندارىنىڭ جۇمىسىن ارالاپ كوردى. سولاردىڭ ءبىرى – «وڭتۇستىك» يندۋستريالدى ايماعىنداعى QazAlpack زاۋىتى.
پرەمەر-مينيستر ءىسىن جاڭادان باستاعان كاسىپوروننىڭ بۇگىنگى الەۋەتىمەن تانىسىپ، جۇمىسشىلارمەن جۇزدەستى. مۇندا قازىرگى تاڭدا 145 ادام جۇمىس ىستەيدى. ورتا ازيادا بالاماسى جوق زاۋىت جەڭىل ماتەريالداردان وراپ-قاپتاۋ ونىمدەرىن شىعارادى. ياعني، اليۋميني ىدىستار مەن قاقپاقتار وندىرىلەدى. جوبانىڭ وندىرىستىك قۋاتتىلىعى جىلىنا 500 ملن دانا ءونىم شىعارۋعا قاۋقارلى. كاسىپورىن باسشىلارى ءوندىرىستى ودان ءارى كەڭەيتۋدى جوسپارلاپ وتىر.
جوبانىڭ جالپى قۇنى – 23 ملرد 400 ملن تەڭگە. ينۆەستيتسيانىڭ ءبىر بولىگى كاسىپكەرلەردىڭ جەكە قارجىسى بولسا، قالعان قارجىنى ەكىنشى دەڭگەيلى بانكتەن نەسيەگە العان. مەملەكەت تاراپىنان نەسيەنىڭ 15 پايىزدىق مولشەرلەمەسىنىڭ 9 پايىزىنا سۋبسيديا بەرىلەدى.
وعان قوسا جەرگىلىكتى اكىمدىك تاراپىنان دايىن ينفراقۇرىلىمى بار جەر ۋچاسكەسى 10 جىلعا جالعا بەرىلىپ وتىر. 6 گەكتار اۋماقتاعى ءوندىرىس 2022 جىلدىڭ قازان ايىندا ىسكە قوسىلىپ، جۇمىس ىستەۋدە.
ءا.سمايىلوۆ قالا اكىمىنە جاڭا ءوندىرىستى دامىتۋعا بارىنشا قولداۋ كورسەتۋ قاجەتتىگىن ايتتى.
ينۆەستيتسيا قۇنى 10,9 ملرد تەڭگە بولاتىن ەكىنشى كەزەڭدى بيىل جۇزەگە اسىرۋ جوسپاردا. جوبانىڭ قۋاتتىلىعى - 550 ملن دانا ءونىم شىعارۋ.
