Shymkent qalasyna jumys saparymen kelgen Úkimet basshysy Álıhan Smaıylov ındýstrıaldy aımaqtardy aralap, ondaǵy óndiris oryndarynyń jumysyn aralap kórdi. Solardyń biri – «Ońtústik» ındýstrıaldy aımaǵyndaǵy QazAlpack zaýyty.
Premer-Mınıstr isin jańadan bastaǵan kásiporonnyń búgingi áleýetimen tanysyp, jumysshylarmen júzdesti. Munda qazirgi tańda 145 adam jumys isteıdi. Orta Azııada balamasy joq zaýyt jeńil materıaldardan orap-qaptaý ónimderin shyǵarady. Iaǵnı, alıýmınıı ydystar men qaqpaqtar óndiriledi. Jobanyń óndiristik qýattylyǵy jylyna 500 mln dana ónim shyǵarýǵa qaýqarly. Kásiporyn basshylary óndiristi odan ári keńeıtýdi josparlap otyr.
Jobanyń jalpy quny – 23 mlrd 400 mln teńge. Investıııanyń bir bóligi kásipkerlerdiń jeke qarjysy bolsa, qalǵan qarjyny ekinshi deńgeıli bankten nesıege alǵan. Memleket tarapynan nesıeniń 15 paıyzdyq mólsherlemesiniń 9 paıyzyna sýbsıdııa beriledi.
Oǵan qosa jergilikti ákimdik tarapynan daıyn ınfraqurylymy bar jer ýchaskesi 10 jylǵa jalǵa berilip otyr. 6 gektar aýmaqtaǵy óndiris 2022 jyldyń qazan aıynda iske qosylyp, jumys isteýde.
Á.Smaıylov qala ákimine jańa óndiristi damytýǵa barynsha qoldaý kórsetý qajettigin aıtty.
Investıııa quny 10,9 mlrd teńge bolatyn ekinshi kezeńdi bıyl júzege asyrý josparda. Jobanyń qýattylyǵy - 550 mln dana ónim shyǵarý.
