ء“تىلى جاتتىڭ - تاربيەسى جات!": قازىبەك يسا قاڭتار قاتىسۋشىلارىن "مارگينالعا" تەڭەگەن ەگەۋباەۆاعا ءتىل قاتتى

6882
Adyrna.kz Telegram

“مەن قاڭتاردا كوشەگە شىققان جوقپىن، مارگينال ەمەسپىن!”-دەگەن دينارا ەگەۋباەۆانىڭ ءوزى بىراق “6 قاڭتار” اتاۋىمەن سايلاۋعا تۇسپەك… “حابار” ارناسىندا ديكتورلىقپەن ەلگە تانىمال بولعان دينارا ەگەۋباەۆانىڭ قاڭتار تۋرالى سۇحباتتارىن كوردىم، ۇنادى. قاڭتار قاسىرەتىنە قاتىستى جاقسى ەڭبەك ەتىپ ءجۇر. بىراق مىناۋ قاڭتار قاسىرەتىن تارتقان قازاقتار تۋرالى ورىس تىلىندە ايتقان ءسوزى قاڭتاردىڭ قارىنداي سۋىق ەكەن…

ارينە، سايلاۋ مەن سايلانۋ اركىمنىڭ قۇقى، ەشكىمگە قارسى ەمەسپىز. بىراق، قاڭتار قاسىرەتىن تارتقان قازاقتاردىڭ ءتىلىن بىلمەيتىن، رەسەي تىلىندە عانا سويلەيتىندەر بولاشاعىن قاي تىلمەن بايلانىستىرادى؟ ويتكەنى، بۇل ماسەلە، حالىقتىڭ مەملەكەتتىك ءتىلدى تالاپ ەتۋى كۇننەن-كۇنگە كۇشەيىپ كەلەدى!

"قاڭتاردا كوشەگە شىققاندار مارگينالدار. مەن مارگينال ەمەسپىن، الماتىدا وسكەن كورەننايامىن" دەپتى دينارا ەگەۋباەۆا”-دەپ جازدى جۋرناليست وڭعار قابدەن دە ءوزىنىڭ فەيسبۋك پاراقشاسىندا.

- قانشا جىل داريعا نازارباەۆانىڭ قاسىندا ءجۇرىپ-ءجۇرىپ كەلىپ، اياقاستى قاڭتاردان باستاپ “وپپوزيتسيامىن” دەپ شىعا كەلگەن دينارانىڭ دا اۋسەلەسى بەلگىلى بولدى.
كەشەگى قاڭتاردا اقىرىپ تەڭدىك سۇراپ، كوشەگە شىققان قاراپايىم قازاقتىڭ جىگىتتەرى ەدى. بۇلار ءالى دە قازاقتىلدىلەرگە مارگينال رەتىندە قارايدى ەكەن. سەبەبى بەلگىلى. نەشە جىل ماسكەۋدە تۇرعان ەگەۋباەۆا اۋىلدىڭ مامبەت قازاعىن بىلايشا مەنسىنبەۋى زاڭدىلىق تا-دەپ ناقتىلايدى ول.

“قازاقتىڭ ءتىلىن بىلمەيتىن ادام ونىڭ قۇقىن قورعايدى دەگەنگە سەنۋ وتە قيىن”-دەپ تۋراسىن ايتادى وڭعار باۋىرىمىز.

ءيا، دينارا ەگەۋباەۆانىڭ “6 قاڭتار” بلوگى ءباسپاسوز ءماسليحاتىندا “قازاقشا ايتىڭىزشى” دەگەن ءتىلشى سۇراعىنا: “مەن ورىسشا ايتامىن. قازىر سۇراقتى دۋمان ءتۇسىندىرىپ بەرسىن”-دەگەنىندە-اق “سوندا قازاقشا جاۋاپ بەرمەك تۇگىلى قازاقشا سۇراقتىڭ ءوزىن تۇسىنبەي وتىر ما؟”-دەپ، تىكسىنىپ قالعان ەدىك…

وڭعار قابدەن “مارگينالدار” دەگەن ءسوزدىڭ ماعىناسىن دا تۇسىندىرە كەتەدى:

- ەگەر “مارگينال” دەگەن نە ول دەسەڭىز، ۆيكيپەديا بىلاي دەيدى. “مارگينال - چەلوۆەك، ناحودياششيسيا نا گرانيتسە رازليچنىح سوتسيالنىح گرۋپپ، سيستەم، كۋلتۋر ي يسپىتىۆايۋششي ۆليانيە يح پروتيۆورەچاششيح درۋگ درۋگۋ نورم پراۆا، تسەننوستەي ي تاك دالەە. چاششە ۆسەگو مارگينالامي نازىۆايۋت سيلنو وپۋستيۆشيحسيا ليۋدەي، ناحودياششيحسيا نا گراني ليۋمپەنيزاتسي: الكوگوليكي، ناركومانى، بومجي، پروستيتۋتكي.”

وسى تاقىرىپ تۋرالى ەكىنشى جازبا قالدىرعان وڭعار قابدەن دينارا ەگەۋباەۆا تۋرالى پوستى كوپ تالقىلانعانىن جازادى. بىراق مۇحيتتىڭ ارعى جاعىندا جاتقان ايجان حاميت سول پوستتىڭ استىنا كەلىپ، قازاقتىلدىلەردى قالاي بالاعاتتاعانىن سول ايجان ءحاميتتىڭ سويلەيتىن تىلىندە كەلتىرىپتى. ول قازاق قىزى ەمىن-ەركىن وتتاعان بوعاۋىز سوزدەردى مەن بىراق بۇل جەرگە پاراقشاما جازا المادىم…

ء“تىلى بولەكتىڭ - ءدىلى بولەك!”، ءتىلى جاتتىڭ -تاربيەسى جات” دەگەن وسى شىعار…

قازىبەك يسا

پىكىرلەر