قىرعىزستاندا ەكس-پرەزيدەنت اسقار اقاەۆقا قاتىستى قىلمىستىق ءىس توقتاتىلدى. بۇل تۋرالى قىرعىز باس پروكۋراتۋراسى ءباسپاسوز قىزمەتىنىڭ باستىعى سيروجيددين كاموليدينوۆ ايتتى، دەپ حابارلايدى «ادىرنا» ءتىلشىسى.
«قىلمىستىق جاۋاپكەرشىلىككە تارتۋ مەرزىمىنىڭ ءوتىپ كەتۋىنە بايلانىستى ءىس توقتاتىلدى»، - دەدى ول.
اقاەۆ 1991-2005 جىلدار ارالىعىندا قىرعىزستان پرەزيدەنتى بولدى. 2005 جىلى 24 ناۋرىزدا "قىزعالداق رەۆوليۋتسياسى" كەزىندە ماسكەۋگە قاشىپ كەتكەن. كەيىن وتستاۆكاعا كەتتى.
ەلدىڭ بۇرىنعى باسشىسى قۇمتور كەنىشىن يگەرۋگە بايلانىستى ءىس اياسىندا بيلىكتى جانە قىزمەتتىك بابىن اسىرا پايدالانعانى ءۇشىن، سونداي-اق 1992 جىلى "كامەكو" كومپانياسىمەن كەلىسىم جاساسۋ ەپيزودتارى بويىنشا نەمقۇرايلىق تانىتقانى جانە 2003 جىلى "قۇمتور" جوباسىن قايتا قۇرىلىمداعانى ءۇشىن ايىپتالعان ەدى.
