27 قازاندا سەنات دەپۋتاتتارى «راقىمشىلىق جاساۋ تۋرالى» قازاقستان رەسپۋبليكاسى زاڭىن قابىلدادى.
زاڭنىڭ باستى ماقساتى – تارتىپسىزدىك جاعدايىندا 2022 جىلعى 4-7 قاڭتار ارالىعىندا قىلمىستىق قۇقىق بۇزۋشىلىقتار جاساعان ادامدارعا قاتىستى قىلمىستىق-قۇقىقتىق سيپاتتاعى بىرجولعى ادامگەرشىلىك ارەكەت.
تولىعىراق ايتقاندا، قىلمىستىق ارەكەتتەر جاساعان ادامداردى جازالاۋ مەرزىمىن قىسقارتۋ جانە جازاسىن وتەۋدەن بوساتۋ.
اۋىر قىلمىس جاساعان ادامدار ءۇشىن جازا تورتتەن ۇشكە، اسىرەسە اۋىر قىلمىستار ءۇشىن ەكى ەسەگە قىسقارتىلادى.
تەررورلىق، ەكسترەميستىك، سىبايلاس جەمقورلىق قىلمىستار، مەملەكەتكە وپاسىزدىق جاساۋ، ازاپتاۋ، قىلمىس قايتالانعان نەمەسە قاۋىپتى قايتالانعان جاعدايدا، جاپپاي تارتىپسىزدىكتەر ۇيىمداستىرعان، كامەلەتكە تولماعانداردىڭ جىنىستىق قول سۇعىلماۋشىلىقتارىنا قارسى قىلمىستار جاساعان ادامدار راقىمشىلىق جاساۋعا جاتپايدى.
2022 جىلعى 1 قىركۇيەكتە قاسىم-جومارت توقاەۆ قازاقستان حالقىنا جولداۋىندا قاڭتار وقيعاسىنا قاتىسۋشىلارعا راقىمشىلىق جاريالادى.
قازاقستان رەسپۋبليكاسىنىڭ باس پروكۋراتۋراسى جالپى 1,5 مىڭعا جۋىق ادام امنيستياعا ىلىنەتىنىن حابارلادى.
"ادىرنا" ۇلتتىق پورتالى
