دەنيس تەننىڭ ولىمىنە قاتىستى سوتتىڭ كەزەكتى وتىرىسى توسىن مالىمدەمەلەرگە تولى بولدى. تەن تارابىنىڭ قورعاۋشىسى نۇرلان وستەمىروۆ كۇدىكتى جانار تولىباەۆاعا قاتىستى جازانى اۋىرلاتۋدى سۇرادى. ادۆوكات جاناردىڭ قىلمىسقا تىكەلەي قاتىسى بار ەكەنىن ايتىپ، ونى "الدىن الا ادامدار توبىمەن كەلىسىپ جاسالعان ءولىم" بابى بويىنشا كىنالى دەپ تابۋىن سۇرادى.
"2018 جىلدىڭ 25-ءشى ساۋىرىندە 21-54-تە ەۋروپاعا شىعىس قوڭىراۋ بولعان. ونىڭ قايدا جانە كىمگە xابارلاسقانىن تەكسەرۋلەرىڭىزدى سۇرايمىن. ءنومىردىڭ باسى +4-تەن باستالادى. ناقتى ايتساق بۇل - شۆەيتساريا. شىعىس تا، كىرىس تە قوڭىراۋ بولعان. سەن قوڭىراۋ شالدىڭ، ارتىنان ساعان قايتا xابارلاستى.
التىنشى مامىر، 3-ءشى، 5-ءشى، 7-ءشى، 20-ءشى شىلدە كۇندەرى شىعىس تا، كىرىس تە قوڭىراۋلار بولعان. سوڭعى قوڭىراۋ سەن تاستاپ جىبەرگەن سيم كارتادان بولدى. سەن xابارلاستىڭ بىراق سوسىن ساعان قوڭىراۋ شالمادى.
ۇيالى تەلەفون قوڭىراۋلارىنا سايكەس مەن كەلەسى وتىرىسقا قارسى شاعىم تۇسىرمەكپىن. سەبەبى مۇندا دەنيستىڭ اينالاسىنىڭ قاتىسى بار. اتالعان نومىرلەر ونىڭ اينالاسىنداعىلاردىكىمەن سايكەس كەلۋدە", - دەيدى وكسانا تەن.
الايدا، جانار تولىباەۆا ەۋروپاعا قوڭىراۋ شالماعانىن ايتتى.
"ول قىرعىزستانعا نەمەسە وزبەكستانعا بولۋى مۇكىن", - دەپ جاۋاپ بەردى كۇدىكتى.
"سايكەستىك دەگەن جايدان جاي بولمايدى. پىشاق، قولعاپ ساتىپ الۋ دەگەن. بۇل - الدىن الا كەلىسىپ، تاپسىرىسپەن جاسالعان قىلمىس.
بۇل وقيعادا مەن تولىباەۆانى باستى ۇيىمداستىرۋشى دەپ ەسەپتەيمىن. ول تەلەفونمەن سويلەسىپ، نۇسقاۋلىقتاردى بەرىپ وتىرعان. ۇشەۋىنىڭ ىشىندەگى ەڭ ءبىلىمدىسى دە سول. ونىڭ جوعارعى ءبىلىمى بار. اعىلشىنشا جاقسى سويلەيدى. ومىردە ماقساتى بار. قۇدايبەرگەنوۆ ۇرلىقتىڭ ارقاسىندا، قياسوۆ وتباسىنىڭ كومەگىمەن كۇن كورىپ ءجۇر. تۇتقا ارقىلى تاپسىرمانى وسى تولىباەۆا الىپ وتىردى دەپ ويلايمىن" ، - دەدى وستەمىروۆ.
جابىرلەنۋشى تاراپتىڭ قورعاۋشىسى وستەمىروۆ، جانار تولىباەۆانىڭ دەنيس تەن ولىمىنە تىكەلەي قاتىسى بار ەكەنىن ايتىپ، ونى "الدىن الا كەلىسىپ جاسالعان ادام ءولىمى" بابى بويىنشا كىنالى دەپ تانۋدى سۇرادى.
"ادىرنا" ۇلتتىق پورتالى
