قىرعىزستان ءىىم جەرگىلىكتى پارلامەنت دەپۋتاتى شايىربەك تاشيەۆتى تەرگەۋگە شاقىردى، دەپ حابارلايدى "ادىرنا" ۇلتتىق پورتالى 24kg-عا سىلتەپ.
اقپاراتقا سايكەس، شايىربەك تاشيەۆ ىشكى ىستەر مينيسترلىگىنىڭ باس تەرگەۋ باسقارماسىندا جاۋاپ بەرگەن. ازىرگە مينيسترلىك وكىلدەرى دەپۋتاتقا قاتىستى جۇرگىزىلىپ جاتقان شارالارعا تۇسىنىكتەمە بەرمەدى. سونداي-اق ونىڭ قاي قىلمىستىق ءىس بويىنشا جانە قانداي مارتەبەدە ەكەنى ايتىلمادى.
بەيرەسمي باق-تا تاشيەۆ دەپۋتاتتىق مانداتىن تاپسىرۋى مۇمكىن. وسىعان بايلانىستى ماسەلە قىرعىزستاننىڭ ورتالىق سايلاۋ كوميسسياسى وتىرىسىندا قارالادى دەپ كۇتىلۋدە.
ايتا كەتەيىك، شايىربەك تاشيەۆ - قىرعىزستاننىڭ ۇقمك ەكس-باسشىسى قامشىبەك تاشيەۆتىڭ ءىنىسى.
ال 10 اقپاندا قىرعىزستان پرەزيدەنتى سادىر جاپاروۆ ۇقمك بۇرىنعى باسشىسى قامشىبەك تاشيەۆتى بارلىق قىزمەتىنەن بوساتقان بولاتىن. پرەزيدەنت اكىمشىلىگىنىڭ مالىمەتىنشە، بۇل شەشىم مەملەكەت بىرلىگىن نىعايتۋ جانە قوعامداعى ىقتيمال الاۋىزدىقتىڭ الدىن الۋ ماقساتىندا قابىلدانعان.
