بەلگىلى كاسىپكەر، Astana Motors كومپانياسىنىڭ نەگىزىن قالاۋشى نۇرلان سماعۇلوۆ پاراليمپيادا چەمپيونى ەربول حاميتوۆقا اۆتوكولىك سىيلايدى, دەپ حابارلايدى «ادىرنا» ءتىلشىسى.
«قازاقستان قۇراماسىن جانە ەربول حاميتوۆتى پاراليمپياداداعى جەڭىسىمەن قۇتتىقتايمىن! Astana Motors قۇرامىنداعى Chery Kazakhstan ۇلتتىق پاراليمپيادا كوميتەتىنىڭ رەسمي سەرىكتەسى بولعانىن ماقتان تۇتامىز. ءبىز ەلدەگى پاراسپورتتىڭ دامۋىنا قولداۋ كورسەتۋدى جالعاستىرامىز. ەربولدىڭ Chery Tiggo 7 كولىگىن تەست-درايۆقا العانىن بىلەمىن، سوندىقتان وسى اۆتوكولىكتى وعان سىيلاۋعا قۋانىشتىمىن»، – دەدى ول.
سىيلىق چەمپيون ەلگە ورالعاننان كەيىن بەرىلەدى.
ەسكە سالايىق، 13 ناۋرىزدا ەربول حاميتوۆ ميلان قالاسىندا ءوتىپ جاتقان قىسقى پاراليمپيادا ويىندارىنداعى پارا بياتلون جارىسىندا التىن مەدالعا يە بولعان ەدى. بۇعان دەيىن ول پارا شاڭعى جارىسىندا قولا مەدال العان.
