جەتىسايدا الاياق گرانتقا ءتۇسىرىپ بەرەتىنىن ايتىپ، ءبىر ميلليون تەڭگە العان

2063
Adyrna.kz Telegram

جەتىساي تۇرعىنى اۋداندىق پوليتسيا بولىمىنە الاياقتىقتىڭ قۇربانى بولعانىن ايتىپ شاعىمداندى. وعان تانىسى ادامدارعا گرانت الىپ بەرە الاتىنىن ايتىپ، سەنىمگە كىرىپ، قىزىن جوو-عا گرانتقا تۇسىرۋگە ۋادە بەرىپ، 1 ملن تەڭگە العان، دەپ حابارلايدى “ادىرنا” ۇلتتىق پورتالى كتك ارناسىنا سىلتەمە جاساپ.

بۇل فاكتىنى پوليتسەيلەر قر قك-ءنىڭ 190-بابى "الاياقتىق" بويىنشا تىركەدى. جەتىساي ءتارتىپ ساقشىلارى قىلمىستى اشۋ جانە كۇدىكتىنى ۇستاۋ ماقساتىندا جەدەل ءىس-شارالار وتكىزدى.

“ىزدەستىرۋ جۇمىستارىنىڭ ناتيجەسىندە شىمكەنت قالاسىنىڭ جۇمىسسىز تۇرعىنى انىقتالدى. بەلگىلى بولعانداي، ول جەتىساي اۋدانىنا قوناققا كەلگەن. الاياقتىق ارقىلى الىنعان اقشانى ول ءوز قاجەتتىلىكتەرىنە جۇمسادى. پوليتسەيلەر كۇدىكتىنىڭ باسقا قىلمىستارعا قاتىسى بار-جوعىن انىقتاۋدى جالعاستىرۋدا”، دەلىنگەن اقپاراتتا.

پىكىرلەر