پرەزيدەنت قاسىم-جومارت توقاەۆ تۇركىستان وبلىسى جەتىساي اۋدانى، العاباس اۋىلىندا ورنالاسقان جەكە ۇيدە بولعان ءورت سالدارىنان بىرنەشە ادامنىڭ قازا تابۋىنا بايلانىستى تۋعان-تۋىستارىنا كوڭىل ايتتى، دەپ حابارلايدى "ادىرنا" ۇلتتىق پورتالى.
بۇل تۋرالى مەملەكەت باسشىسىنىڭ ءباسپاسوز حاتشىسى رۋسلان جەلدىباي Telegram ارناسىندا حابارلادى.
پرەزيدەنت ۇكىمەت پەن تۇركىستان وبلىسىنىڭ اكىمىنە زارداپ شەككەن ازاماتتاردىڭ تۋىستارىنا بارلىق قاجەتتى كومەك كورسەتۋدى جانە قايعىلى وقيعانى جان-جاقتى تەكسەرۋدى تاپسىردى.
قۇتقارۋ جۇمىستارى بارىسىندا ءۇي ىشىنەن ەس-ءتۇسسىز كۇيدە جاتقان ءۇش ادام شىعارىلىپ، جەدەل جاردەم قىزمەتىنە تاپسىرىلدى. سونداي-اق ءۇيدىڭ ىشىنەن توعىز بالا قوسا العاندا، بارلىعى 12 ادامنىڭ دەنەسى تابىلعان.
ۇقساس جاڭالىقتار
