قازاقستان جازۋشىلار وداعىنىڭ توراعاسى، اقىن ۇلىقبەك ەسداۋلەت زاڭگەر ايگۇل ورىنبەككە اراشا سۇرادى. بۇل تۋرالى ۇلىقبەك ەسداۋلەت Facebook-تەگى پاراقشاسىندا جاريالادى، دەپ حابارلايدى “ادىرنا” ۇلتتىق پورتالى.
اقىن زاڭگەردىڭ وتباسىنا قىسىم جاسالىپ جاتقانىن ايتىپ، ونىڭ دەر كەزىندە توقتاتىلۋىن تالاپ ەتكەن.
«ادىلدىكتىڭ جولىنداعى جانكۇيەر قۇقىق قورعاۋشى، قاناتىمەن سۋ سەپكەن قارلىعاشتاي شىر-پىر بولىپ ءجۇرىپ، حالىقتىڭ قوشامەتىنە بولەنگەن زاڭگەر قىز ايگۇل ورىنبەكتىڭ وتباسىنا قىسىم جاساۋ توقتاتىلسىن! ادىلەتتى قازاقستاندى ادىلەت ىزدەۋدە تۋرا جولدان تايمايتىن وسىنداي تۋراشىل، تاباندى، وجەت جاندارمەن بىرگە قۇرساق كەرەك!»، — دەپ جازدى ۇلىقبەك ەسداۋلەت.
ايتا كەتەيىك، ايگۇل ورىنبەك تۇركىستان وبلىسىنداعى ءبىراز بىلىقتىڭ بەتىن اشقان زاڭگەر.
