سالىق زاڭناماسىنا بىرقاتار وزگەرىستەر ەنگىزىلدى. اتاپ ايتقاندا، تابيعات بايلىقتارىن پايدالانۋعا قاتىستى جاسالاتىن تولەماقى جاڭا ەرەجەلەرىمەن تولىقتىرىلىپ، 2024 جىلدىڭ 1 قاڭتارىنان باستاپ قولدانىسقا ەنگىزىلەدى، - دەپ حابارلايدى "ادىرنا" ۇلتتىق پورتالى.
قازىرگى ۋاقىتتا مەملەكەتتىك ورمان قورى مەن ەرەكشە قورعالاتىن تابيعي اۋماقتارداعى (ونىڭ ىشىندە دارىلىك وسىمدىكتەر، جابايى جەمىستەر، جاڭعاقتار، ساڭىراۋقۇلاقتار، جيدەكتەر) وبەكتىلەرگە عانا سالىق سالىناتىن بولسا، كەلەسى جىلدان باستاپ وسى اۋماقتان تىس جەردە جينالاتىن جابايى وسىمدىك تۇرلەرى ءۇشىن دە سالىق ەنگىزىلەدى (سالىق كودەكسىنىڭ 69-تاراۋىنىڭ 6-پاراگرافى).
مەملەكەتتىك ورمان قورى اۋماقتارىنان، ەرەكشە قورعالاتىن تابيعي اۋماقتاردان تىc ءارى فارماتسەۆتيكالىق، ازىق-تۇلىك جانە تەحنيكالىق قاجەتتىلىكتەر ءۇشىن جينالاتىن جابايى وسىمدىك تۇرلەرى بويىنشا تولەماقى قاراستىرىلىپ جاتىر.
وبلىستاردىڭ، رەسپۋبليكالىق ماڭىزى بار قالالاردىڭ جانە استانانىڭ جەرگىلىكتى وكىلدى ورگاندارى ء(ماسليحاتتار) وسىمدىكتەرگە، وسىمدىكتەردىڭ جابايى تۇرلەرىنە، قاتىستى تولەماقىنى مولشەرىن بەلگىلەيدى.
تۇلعالارعا وسىمدىك رەسۋرستارىن پايدالانۋ قۇقىعى تولەماقى تولەنىپ، ارنايى حابارلاما جىبەرىلگەن جاعدايدا عانا بەرىلمەك.
"ادىرنا" ۇلتتىق پورتالى
