Bügın boiyna küllı batyr-qahanmandarynyŋ ruhyn jinaǧan jäne ömırımen, örlıgımen qazaq azamatynyŋ naǧyz beinesıne ainalǧan Bauyrjan Momyşūlynyŋ tuǧan künı. Jyldar jylystap ötse de, Bauyrjan Momyşūlynyŋ kelelı pıkır, kenen oilary, közsız erlıgı men parasatty tūlǧasy qazaqtyŋ ruhyn biıktetıp, mereiın ösıre beretını anyq. "Adyrna" ūlttyq portaly qaharmannyŋ qūrmetıne Batyr Bauyrjannyŋ qanatty sözderın ūsynady.
* Ädıldıktı moiyndau - adal kısınıŋ ısı.
* Opasyzdyq - oisyzdyq.
* Quys keude bolǧannan artyq qorqynyş ta, qorlyq ta joq.
* Baqanyŋ baǧynan sūŋqardyŋ sory artyq.
* Namysty nanǧa satpa.
* Qarabet bolyp qaşqanşa - qairat körsetıp ölgen artyq.
* Öz ūltyn syilamau, ony maqtanyş etpeu - satqyndyq.
* İmenıp jürıp körgen igılıkten - qarsylasyp jürıp körgen beinet artyq.
* Ötırıktıŋ balyn jalap tırı jürgenşe - şyndyqtyŋ uyn ışın ölgen artyq.
* Erlık - eldıŋ qasietı, jürektılık - jıgıttıŋ qasietı.
* Eşkım ışten batyr bolyp tumaidy: batyrlyq ta, mınez sekıldı ösken orta, körgen tärbiege bailanysty qalyptasady.
* Batyrlyq täuekel men aqyldyŋ esebınen şyǧuǧa tiıs. Täuekel keide aqyldy da aqtap alady. Al aqylsyz täuekeldı eşteŋe de aqtap ala almaidy.
* Ata-ana qadırın bılmegen - el qadırın bıle almas,
El qadırın bılmegen - ata-ana qadırın bıle almas.
* Düniede balanyŋ u-şuyna jeter ne bar?!
Odan asqan sazdy äuen oilap tabu mümkın emes.
* Tıl - ūlt qasietın aiqyndaityn belgı, ūlttyq salt-sana özegı.
* Anamyzdyŋ aq sütımen boiymyzǧa daryǧan ana tılımızdı ūmytu - bükıl ata-babamyzdy, bar tarihymyzdy ūmytu.
* Qazaq tılı - sūlulyǧymen boi balqytyp, tamyr şymyrlatatyn, jan jüieŋdı jandyryp, qūlaq qūryşyn qandyratyn, ötkırlıgımen qysyltaiaŋ tūsta er men elge bırdei medet berıp, adam tügıl jaǧdaidyŋ özınıŋ auzyna qūm qūiatyn ǧajaiyp kemel tıl.
* Jaqsy söz janǧa - jaqyn, qūlaqqa - jaǧymdy, oiǧa - qonymdy keledı.
* Söz jylata da, jūbata da alady.
* Tıl tazalyǧy üşın küres - eşqaşan tolastamaityn mäŋgılık küres.
* Tılekke - eŋbek tırek.
* Terlep eŋbek etersıŋ - tılegıŋe jetersıŋ.
* Tärbielı - tärtıptıŋ qūly,
Tärtıptı - eldıŋ qūly.
* Qairatyŋa - ädısıŋdı joldas et, ädısıŋe - aqylyndy joldas et.
* Tärtıpsız el bolmaidy, tärtıpke bas igen el - qūl bolmaidy.
* Qairat eter kezınde - jük köterer nardai bol,
Aqyl aitar kezıŋde - jüz jasaǧan şaldai bol.
* Ylǧi altyn ızdeme - şoqtyŋ bärı ot bolmas.
* Künşıldık - özgenıŋ myqtylyǧy men özıŋnıŋ älsızdıgındı moiyndaudan tuǧan qūbylys.
* Erlık - taisalmas tabandylyq pen qaiyspas qaisarlyqtan şyǧady.
* Örşıl ruhtan - ölmes erlık tuady.
* Ümıt - örge tartady, ümıtsızdık - körge tartady.
* Jerge - ter tögıp, halyqqa - qan tögıp qyzmet etuden taisalma!
* Beldeskennıŋ - belın syndyr, tıreskennıŋ - tızesın büktır.
* Eptılık te - erlık.
* Qolbasşy bolsaŋ sondai bol - josylyp jatqan joldai bol.
* Ot basynyŋ önegesı - Otan önegesı.
* Halyqtyq täjıribe - bügınge ǧana emes, erteŋge de kerek qazyna.
* Sūlu sözge qūl bolma - zerlı oi onda köp bolmas.
* Ümıtın joǧaltqan jan - eşqaşan ümıttenıp körmegen jan.
* Tıl - ūlt qasietın aiqyndaityn belgı, ūlttyq salt-sana özegı.
* Tıl - eldıŋ eldıgınıŋ, onyŋ ǧylymy men mädenietınıŋ, önerkäsıbınıŋ, qoǧamdyq qūrylysynyŋ, salt-sanasynyŋ, jauyngerlık dästürınıŋ, ūlttyq mūrasynyŋ qai därejede ekenın bıldırıp tūratyn körsetkış.
* Ana tılımızge män bermeuşılık, ony qūrmettemeu - şynaiy patriottar tärbieleu jūmysyna ülken ziian.
* Qazaq tılı eş uaqytta özımen körşı halyqtardyŋ tılderınen sorly bolyp, qatardan qalmaǧany, öz sybaǧasyn eşkımge jıbermegendıgıne myŋ jyldyq köne tarih kuä.
"Adyrna" ūlttyq portaly
Ūqsas jaŋalyqtar
Bauyrjan Momyşūly
soǧys ardagerı
batyr bauyrjan
qazaq elı
qazaq qaharmany
ūly otan soǧysynyŋ batyry
volokolamsk tasjoly
