جامبىل وبلىسىندا 19 جاستاعى سارباز اۆتوماتتى ۇرلاپ الىپ، وق جاۋدىرعان

2322
Adyrna.kz Telegram
فوتو: ratel.kz
فوتو: ratel.kz

جامبىل وبلىسىنداعى شەكارا زاستاۆالارىنىڭ بىرىندە 19 جاستاعى اسكەرگە شاقىرىلعان سارباز اۆتوماتتى ۇرلاپ الىپ، وق جاۋدىرعان، دەپ حابارلايدى “ادىرنا” ۇلتتىق پورتالى كتك تەلەارناسىنا سىلتەپ.

قۇرباندار مەن زارداپ شەككەندەر تۋرالى مالىمەت جوق.

اقپارات بويىنشا، وقيعا جۋالى اۋدانىندا 18 جەلتوقسانعا قاراعان ءتۇنى بولعان. تۇنگى ساعات ۇشتەر شاماسىندا اتىس دىبىسىن جاقىن ماڭداعى الاتاۋ اۋىلىنىڭ تۇرعىندارى ەستىگەن. ولار دابىل قاققان.

شىن مانىندە نە بولعانى جانە ساربازدىڭ قازىر قايدا ەكەنى بەلگىسىز. ۆەدومستۆو بۇل وقيعاعا قاتىستى تۇسىنىكتەمە بەرمەدى. اسكەرگە شاقىرىلۋشىنىڭ ۇستىنەن اتىس قارۋىن ۇرلاعانى ءۇشىن ءىس قوزعالعانى عانا بەلگىلى.

“اتالعان فاكت بويىنشا قر ءىىم وڭتۇستىك وڭىرلىك اسكەري تەرگەۋ باسقارماسىنىڭ تاراز قالالىق باسقارماسى قر قىلمىستىق كودەكسىنىڭ 291-بابى بويىنشا سوتالدى تەرگەۋ امالدارىن باستادى”، – دەلىنگەن اسكەري پروكۋراتۋرانىڭ حابارلاماسىندا.

پىكىرلەر