Jambyl oblysyndaǵy shekara zastavalarynyń birinde 19 jastaǵy áskerge shaqyrylǵan sarbaz avtomatty urlap alyp, oq jaýdyrǵan, dep habarlaıdy “Adyrna” ulttyq portaly KTK telearnasyna siltep.
Qurbandar men zardap shekkender týraly málimet joq.
Aqparat boıynsha, oqıǵa Jýaly aýdanynda 18 jeltoqsanǵa qaraǵan túni bolǵan. Túngi saǵat úshter shamasynda atys dybysyn jaqyn mańdaǵy Alataý aýylynyń turǵyndary estigen. Olar dabyl qaqqan.
Shyn máninde ne bolǵany jáne sarbazdyń qazir qaıda ekeni belgisiz. Vedomstvo bul oqıǵaǵa qatysty túsinikteme bermedi. Áskerge shaqyrylýshynyń ústinen atys qarýyn urlaǵany úshin is qozǵalǵany ǵana belgili.
“Atalǵan fakt boıynsha QR IIM Ońtústik óńirlik áskerı tergeý basqarmasynyń Taraz qalalyq basqarmasy QR Qylmystyq kodeksiniń 291-baby boıynsha sotaldy tergeý amaldaryn bastady”, – delingen áskerı prokýratýranyń habarlamasynda.
