انا تىلىمىزدە دىبىستالعان "اۆاتار 2: سۋ جولى" شىتىرمان ءفيلمىن قولداۋ جانە قازاق ءتىلىنىڭ تىنىسىن كەڭەيتۋ ماقساتىندا بەلسەندى ازاماتتار ءوز اقشاسىنا بيلەت الىپ، جاس بالالارعا تەگىن تاراتىپ جاتىر. الەۋمەتتىك ماڭىزى بار باستامانى كوتەرگەندەردىڭ ايتۋىنشا، قازاق ءتىلىن كينونارىققا ەنگىزىپ، تۋعان ءتىلىمىزدى بارلىق سالادا قولداناتىن كەز جەتتى. يگى باستامانى قولداپ، ءوڭىر-وڭىردە جالعاستىرىپ اكەتكەندەر كوپ. بۇل جايلى "ادىرنا" ۇلتتىق پورتالى حابارلادى.
مۇنداي "قۋانىشتى قۇبىلىستىڭ" بارىسىن قوعام بەلسەندىسى ءسابيت رىسباەۆ حابارلادى.
"55 بالانى كينوزالعا كىرگىزىپ جىبەردىك. ءبىر تانىسىم تاعى 20 بيلەتكە اقشا جىبەردى. ساعات 16.00-داعى ەۋرازيا كينوتەاترىنا بيلەت الىپ قويدىم. ونى بىرەۋلەر برونداپ تا قويدى. بالا عوي، شولدەيدى عوي دەدىم، قوسىمشا 55 سۋ الا سالدىم. تاعى ءبىر تانىسىم مەن 100 بيلەت الايىن دەدى. ول اقشا جىبەرسە ونى دا قوسىمشا حابارلايمىن. كۇنىنە بولاتىن اينالدىرعان 5-6 قازاقشا كينوعا بيلەتتى ءوزىمىز اق ساتىپ الىپ كوپبالالى، باسقا دا مۇمكىندىگى بولماي جاتقانداردى كىرگىزە سالايىق.. قازاق تىلىندە دە ادامداردىن كينو كورەتىندەرىن كورسەتەيىك. قازاق ءتىلىنىن دارەجەسىن از دا بولسا قولدان كەلگەنشە كوتەرىپ قويايىق", - دەپ جازدى بەلسەندى.
مۇنداي باستاماعا جەر-جەردەن قولداۋ تانىتا كەتكەندەردىڭ قاراسى قالىڭ.
"بۇگىن ساعات 16.00-عا 20 بيلەت الىپ بالالاردى كىرگىزىپ جىبەردىك. تامىر تانىستار، فەيسبۋكتاستار تاعى 130 بيلەتكە اقشا اۋداردى. ەرتەڭ، ارعى كۇنگە بيلەت الامىز... ەكى كۇندە 200 دەن اسا ادامدى تەگىن كىرگىزەتىن بولامىز. ءبىز استانادا باستادىق. باسقا قالالار دا قوسىلىڭىزدار. قازاقشا كينوعا ۇسىنىس بولماسا، سونى بولدىرايىق. ال ول ءجاي بيلەت الۋدان باستالادى", - دەپ جازدى ءسابيت رىسباەۆ.
ەسكەرىڭىزگە سالا كەتەيىك، الەمدىك كينو الەمىندە ەرەكشە ىقىلاسقا يە بولعان "اۆاتار 2: Cۋ جولى" تۋىندىسى ءتول تىلىمىزگە دىبىستالعان ەدى. قازاق ەلى ازاماتتارىنىڭ ايتۋىنشا، قازاق تىلىندەگى سەانس ۋاقىتتارى ساسكە تۇستە، تاماشالاۋعا ىڭعاي كەلە بەرمەيدى. دەسە دە، بيلەتتەردىڭ لەزدە ساتىلىپ، ءوتىپ كەتىپ جاتقانىن حابارلاعاندار بار.
"ەۆرازيا، ارۋجان جاقتا ورىن جوق قازاقشاسىنا. مەگادا ارەڭ الدىق. ءسال ىڭعايسىز ورىنداردى. بۇرىن ولاي بولمايتىن. قالانى اياققا تىك تۇرعىزدىڭىز", "قازاقشا دۋبلياجدالعان فيلمدەردى قولداۋ ماقساتىندا وزىمنەن تىس تاعى 3 ورىنعا ونلاين بيلەت الىپ قويدىم. "اۆاتار- سۋ جولى" ءفيلمى. الماتى ق-سى Lumiera Sinema (تسۋم) ياعني اربات جاقتا. ءۇش بيلەت تەگىن بەرىلەدى. الۋشىلار جەكەگە جازىڭىزدار!", "قازاقتىقتى، ۇلتتىقتى قولداۋ وسى عوي! نەگىزى، كەڭەس ۇكىمەتى ورناعانعا دەيىنگى قازاق بايلارىن "ۇلتتىڭ قامقورشىسى، ۇيىتقىسى "دەپ ستالين ەڭ اۋەلى باي قازاقتاردى جالا جاۋىپ قۋعىن سۇرگIنگە ۇشىراتقان. ۇيىنەن ون پۇت بيداي تابىلسا جالا جاۋىپ كوزىن قۇرتا بەرىڭدەر دەگەن. سەبەبى، ول زامانداعى قازاق بايلارى پاراساتتى، يمان جۇرەكتى، ساليقالى بولعان. اللا تاعالانىڭ سەندەرگە بەرەرi تاۋسىلماسىن. ناسىپتەرىڭ ارتىپ تابىستى بولىڭدار. تۋعان ۇلتىڭدى قۋانتۋدا عانيبەت قوي. باستاما باياندى جالعاسىن تابۋىنا تىلەكتەسپىن" دەپ جازدى وقىرماندار.
"ادىرنا" ۇلتتىق پورتالى
