ورىس سىنىبىنداعى وقيتىن قازاق بالالار تاقىرىبى وزەكتى ماسەلەگە اينالىپ تۇر. Facebook جەلىسىندە شۋلى تاقىرىپقا اينالعان جاعدايعا قاتىستى تاعى ءبىر جايت باياندالدى، دەپ جازادى "ادىرنا" ۇلتتىق پورتالى.
مايرا مىرزاحمەتوۆا ەسىمدى ۇستاز ءوزىنىڭ ۋاقىتشا ديرەكتورلىق قىزمەتكە كەلگەن مەكتەبىندە اتا-انالاردىڭ بالالارىن ورىس سىنىبىندا وقىتقىسى كەلەتىندەرىن ايتقان وقيعاسىمەن ءبولىستى. وزدەرى قازاق بولا تۇرا بالاسىن ورىسشا وقىتقان اتا-انالاردىڭ بالالاردىڭ تاربيەسىنە كوڭىل بولمەۋى ۇلكەن ماسەلە بولىپ تۇرعانىن جەتكىزدى ول.
"شىلدە ايىندا استانا قالاسىندا ءوزىم ىستەيتىن مەكتەپتە ديرەكتوردىڭ مىندەتىن ۋاقىتشا اتقارىپ وتىردىم. 6 قازاق سىنىبى، 6 ورىس سىنىبى اشىلدى بىزدە. قازاق سىنىپتارىنا بالالاردى كوبەيتۋ كەرەكپىز، ورىس سىنىبىنا بالا الۋدى توقتاتىڭدار دەگەن تاپسىرما كەلدى جوعارىدان. قۇجات تاپسىرۋعا 10 كۇن قالعاندا قانشاما اتا-انالار كەلدى ورىس سىنىبىنا بەرەمىز دەپ. 80 پايىزى ءوزىمىزدىڭ قازاقتار. ءتۇسىندىرىپ كوردىم المايمىز ورىس سىنىبىنا بالا الۋدى توقتاتتى دەسەم دە بالاعاتتاپ، نەشە ءتۇرلى سوزدەردى ايتتى. ەسىگىمدى تەۋىپ قورقىتىپ كەتكەندەر قانشاما. بۇل جاعداي جۇرەكتى اۋىرتتى...بالام سويلەي المايدى، بالاباقشادا ۇيرەنبەدى دەپ اقتالادى كوبىسى. سىزدەر شە دەسەم، ءبىزدىڭ ۋاقىتىمىز جوق بالامەن سويلەسۋگە، تەلەفوننان ۇيرەنىپ العان دەگەندە نە ايتارىمدى بىلمەدىم..." دەپ ءبولىستى مايرا مىرزاحمەتوۆا.
ۇقساس جاڭالىقتار
